Altiéd 'tzelfde leedje.
Ein Venlose Revue in 2005

't Verhaol speult zich aaf in 1586. Enne tiéd van religeuze wraevel, veldslag en
belegeringe. Venlo, euverwaegend katholiek,waas enne speulbal tösse  de
groëtmachte Holland en Spanje. Holland waar protestant en had nao de moord op
Willem van Oranje in 1584 ziene groëte leidsman verlaore. 't Spaanse riék waar
gigantisch- maar brôkkelde aaf.
Keuning Filips II waas miér bezig met Ôzze Leeven Hiër as met 't bestuure van zien riék.
In daen tiéd, in det jaor, greujt in Venlo ein maedje op. Ein doëdgewoën Venloos maedje

Maar zoëas zoëvuul greekende Venlonaere, wilt det  jôngkvolwasse Sjuulke weg oét
Venlo. 't Haet 't waal gezeen. En gehad. Pap de sjoester en vrind Ties zirn allein maar
bezig met eur eige zaake en Sjuulke veult zich neet begreepe. Det verandert as 't wuurt
betrokke beej ein plan van enne gehaaide spion. Dae spion môt names de Spaanse
soldaote (die Venlo ônder leiding van de beroemde Hertog van Parma belegere)
probere de stadspaort op te blaoze.
Sjuulke velt veur 't idee op waereldreis te gaon met 't Spaanse leger en veural veur de
charmes van soldaot Juan. Veur 't iërs in zien laeve besluut 't dan auk zien lot in eige
hand te neeme.

Die keus haet aevel desastreuze gevolge. De Hollanders - die in daen tiéd de baas waare
in Venlo - verdinke minse oét Sjuulke zien umgaeving van sabotage.
Pap en Ties môtte waere gestraf. As Sjuulke neet vuul later zelf auk op de brandstapel
terech kump, kint nog maar ein dingk Sjuulke en Venlo redde: zien leefde veur de stad.
Met hölp van baove en van binne trotseert Sjuulke de Spaanse furie. En kint
oétintelik keeze veur zien hert....

Wie weej det allemaol weite? det steit in 't book waat  opa aan zien kleindochter
veurluüs. Haol ôg det book, dan kint ge 't zelf laeze!

Geschreve door:
Frans Pollux & Wiel Aerts in 2005