Dich

Dich môs 't zegge Dich, keuningin
Dich, regeers heej en laot neemus d'rin!
Neemus vertelt dich waasse mos doon
Dich meus beslisse, waat ofse wils misse,
De waereld of vis en waat schoon

Ik wil 't zegge ik bin de baas
Ik zwôm 't leefste drek euver de Maas
Weg van dit alles, op nao de res
Maar 'k wil neemus pien doon, al zien 't neet mien schoon,
en kriége de visse de pes.

Dich môs neet leege, dink 's aan dich
Dich wils toch vleege, noow vleeg dan met mich
De môs 't gewoën dörve, lak aan dees stad.
Wach neet op later, de kweels dich op waat veur ein kans desse oëit hes gehad.

Weej wille saame weej wille gaon.
Weej wille noëit miér ens stil hoove staon
Volg dienen draum noow, vindt dienen dreij!
Ik doon 't, ik wil 't, 'k bin neet miér de stille, ik schriëf 't: ik gaon met dich mei!

Meziék/teks: F. Pollux

Visleedje

'k Heb vis! 'k Heb vis! Ik heb de beste vis
Dae heej te vange is Venlose vis.
Paoling, snook, verse baars
Kump drek oét Mooder Maas
't Is de beste vis
Umdet 't vis vis vis oét Venlo is.

Mien vader stônd al jaore, auk heej met ziene kraom
Hae is neet ald gewaore, hae had 't aan den aom.
Ik meus 't euverneme, had noéits daoveur geliërd
D'n aom guuf gen probleme, want vis ruuk neet verkiërd....

Ik môt d'r hard veur werke, smeis wuurd 't mich te vuul.
Det geisse toch waal merke, gelökkig  heb ik Sjuul.
Weej hebbe al verkiéring, de broelof kump in zich.
't Hild waal neet van hiéring, maar des te miér van mich.

Meziék: F. Pollux teks: W. Aerts

Buis / Neemus luustert

Buis op de brouwers
En neem op de schouwers
D'n oétvinder van dezen drank
En buig veur d'n drinker.
Dae oëit zag: "Ik drink mich ein sepke van gers" Bedank!

Neemus dae luustert inkel ein moor
Huurt mien gefluuster vruüg noëit ens door

Idderein wao ik van hald en van heel
Huurt mich neet aan en blief akelig stil

Want neemus dae luustert nao mien verhaol
'k Vertel 't noow al veur de zoëvuulste maol

Maar as straks dees stômme stad truukgepak wuurt
Woele ze det ze mich hadde gehuurd.
Dan bin ik langk en breid wiéd van heej weg
Nao wao me mich huurt en auk geluif waat ik zeg.

Neemus dae luustert neemus haet tiéd
Inkel gefluuster kin ik nog kwiét
Luuster, ik fluuster en kun genne spiét

Meziék/teks: F. Pollux

Prins op 't puin

Enne prins op 't puin van Venlo
'k Heb gewins.
 'k heb gedruimp van dit moment, noow kinne we laevend en waal heej staon
Enne prins.
Bringk de lach nao de traon

'k Meus douwe en sjouwe, maar 'k vônd 'm percies.
Wao altiéd mien hoés haet gestaon
Dit blauwe gevouwe stök stof is 't bewiés
D't zal noëits enne mantel vergaon.

De zwaorte van jaore drök hard op mien liéf
En harder nog zelfs op dees stad
Maar ik bin neet bang want zoëlang as ik Venlonaer bliéf
Guuf Venlo mich laeveskrach zat.

Meziék/teks: F. Pollux

Achter de moore

Achter de moore schient de zôn
Dao leet de waeg nao golde berg en nog vuul wiéjer
En zelfs de rauk van 't kenôn
Vertroebeld neet 't zich, want 'k weit waohaer ik gaon.

't Achter laote velt noow einmaol zwaor
Maar bisse boéte maedje, laup dan door
Al rup "Kôm truuk" ein stum
Weej dreije ôs neet um
De lups met mich,
Nae rens met mich
Dae golde glood.
Tegemoot.

Meziék/teks: F. Pollux

De vlam bört door.

De vlam bört door wies aan 't ind
En zelfs daonao bliefs dich mien kind
Straks gaef ik mam ein werme hand
D'r wuurt met smach op dich gewach
De vlam blief brande.

De vlam bört door, ik hald van dich
't Letste oor det sleit veur mich
Veur efkes braek ik ôzzen band
Maar Sjuul ik zweer, weej zeen ôs weer
De vlam blief brande

De vlam bört door, d'n daag dae kump
Det vreejheid schorum euverstump
Venlo stangk op, laup hand in hand
Vech net wie weej dit Venlo vreej
De vlam blief brande

Meziék/teks: F. Pollux

't Geweite

Weej zien de luuj. Oét Hertje Stad
Verdeene dao ôs broëd.
Maar te näöle is d'r altiéd wat
Weej hebbe altiéd hoëge noëd
We paeze hard, verdeene nop
En kômme vuer ôs cente op
Met hiel erg vuul gekwaak
Maar waal inkel vuer ôs eige zaak

Meziék: F. Pollux teks: W. Aerts

Pa Pa Paelja

Kaok ens iérs waat gaele riés, en kom dan met vis.
En dan räörse dich de miés, wies 't vaerdig is
Greunte kump d'r dan nog beej, zoë van alles wat
Nao de kruuje preuve weej, is 't scherrup zat?

Papapaelja Percies weej thoés
Papapaelja Smikkelsmakkelsmoés
Papapaelja Smak nao Spaanse zôn
Al zoot ge leever in Marbella as heej beej dit kenôn
Papapaelja Zô'n groëte pan
D'r is genôg paelja-bôch veur alleman

'k Geluif det ik ein laupneus heb, Jao 't löp dich d'roét
Äöpen gauw de kaetelklep. Veur ik alles snoét
Zoë is alles in de buurt. Ein ingrediënt
Jummig waat det lekker wuurt. Op de kop die tent!

Meziék: F. Pollux teks: W. Aerts

Hoera. Hoera!

Hoera hoera, we hebbe ein fees
We hebbe ein fees in de stad
Hoera hoera, 't is lang al geleej
Det Venlo zo'n fees haet gehad
Want Hollenders jao, de's neet te geluive
Halde neet van fuive
Hoera hoera, we zien noow weer vreej
Viva Espagna! En Venlo daobeej!

D'n Hertog neemp ein wies besloét
Net veur hae vertrek
hae bringk waat laeve in de boéd
En mak gans Venlo gek
Dus haol maar joech en beer
Veur iddere Venlonaer

Meziék: F.Pollux teks W.Aerts

Hippe Hippe

Weej zooge beej de sjoester net
Die sjieke scheunkes staon
Die staonde dao to kiéke
En die woele laupe gaon
Gelökkig kôste weej eur redde
En we halde eur noow zeut
Want we passe op die scheunkes
Kiek maar heej nao ôs veut

Weej hebbe hippe hippe
Weej hebbe hippe hippe

Weej hebbe hippe hippe
Alles waat we daoveur doon
Is effe hippe op die hippe
Lekker lette op de schoon
Neemus haet heej enne hendie
Want dae guuf 't noow nog neet
Maar ôndanks det zien weej al trendy
Wiej geej aan os hippe zeet.

Meziék F.Pollux teks W.Aerts

Börre

Börre börre! Vendeloo in brand!
Veur de Keuning en Vaderland
Börre börre! Want met veur en vlam
Haole weej ôs verdeende gram

Wee ôs, Hertog, spaar ôs wederhelf
Wee ôs kinder, en wee ôszelf
Wee ôs huuzer en Martinuskerk
Vang neet aan met dit duuvelswerk!

Zwieg noow! Zwieg noow! Börgers van dees stad
`k Bin ôg bäökbôkse mier as zat
Niks deet geej met kanse die ge kreeg
Vendeloo haet verraod gepleeg!

Börre börre! Vendeloo in brand!
Veur de Keuning en Vaderland
Börre börre! Want met veur en vlam
Haole weej ôs verdeende gram

Meziek/teks: F.Pollux

Wao langs ôs alde Mooder Maas

Wao langs ôs alde Mooder Maas
't Graas waat greuner is
Dao leet in eine golde waas
Stad Venlo in de mis
Wao statig nao d'n hemel klump
Ôs Sint-Martinuskerk
Wao Venloos blood weer baove kump
Dao veult mien hert zich sterk

Wao langs ôs alde Mooder Maas
't Graas waat greuner is
Dao leet in eine golde waas
Stad Venlo in de mis
Wao weelde van de werme wind
Ôntspruut in kalde grônd
Wao riékdôm zelfs d'n erme vindt
Hae kump van leefde rônd

Meziek/teks: F.Pollux

Later de Fanfaar

Weej zien de muzikante Heej in dees schoëne stad
't Klink nog van gen kante en 't meiste is gejat.
Weej träöte en weej trômme Veur eder dae ôs huurt.
Heej kin nog waat van kômme Wet geej waat dit later wuurt:

Weej waere later de Fanfaar Wao Venlo gruüts op is.
Met träötgeklater en ein paar slaeg op die kis
Weej zörge dan veur de meziék in dit stedje van plezeer
Dan rup gans Venlo: "Kiek! dao kump ein schoën gezelschap haer".
Dan rup gans Venlo: "Maar! Waat ein schoën Fanfaar!"

Weej zien de muzikante En zien dus muzikaal
Beej ôs en de's 't kwante is idderein normaal
En geit beej ôs det trumke en klink beej ôs die träöt
Huurt idderein ein stumke Kôm op nao boéte in de gäöt.

Meziék: F. Pollux teks: W. Aerts

Elastieke dräödje.

De veuls dich met dien kinder zoë verbônde.
De luüts dien eige kind neet gaer los.
Ik wil mich aan det näöldje neet verwônde.
Toch weit ik desse oëit vertrekke môs.

Sjuulke schat, de geis mich noow verlaote.
Met twintig jaor treks dich de waereld in.
Dao hoove we neet lang euver te praote.
Ik zeg waal jao, maar met vuul taegezin.
Kwaam zelluf noëits wiejer as 't kaolesträötje.
Maar dit is einen and'ren tiéd
Bliéf hange aan det elastieke dräödje.
Want Sjuulke leef, ik wil dich nog neet kwiét.

De veuls dich met dien stedje zoë verbônde.
De luüts dien eige Venlo neet gaer los.
En hesse in de vraemde niks gevônde.
Weit dan desse weer welkom bis beej ôs

Meziék : F. Pollux teks: W. Aerts

Adios.

Gans oét Spanje kwaame weej heej vechte. kwaame striéje veur ôs vaderland
As soldaote zien weej auk de knechte want d'n Hertog hilt schoëne hand.
Gruüts, bliéve weej schouwer aan schouwer staon.
Gruüts, bliéve we gaon.
Weej gaon Venlo noow veurgood verlaote zien 't scheete en 't vechte zat.
Hoije Venlo dink aan dees soldaote en blief halde van ôg stad.

Gans oét Spanje kwaame zeej heej vechte.
Die spanjole oét  det vaer Spaanse land.
Kwaame op veur al ôs eige rechte.
Goove Venlo truuk in ôs hand
Gruüts, lache weej zelfs met edere traon
Gruüts, det we nog staon.
't Zal laeg zien in ôs alde straote.
Op 't plein huurse weer allein Venloos plat.
Oéit dan iére weej ôg geej, soldaote
Mei ein schoén revue in ôs stad.

Adios mien Venlo 'k môt dich noow verlaote
Hojje Sjuulke hojje leeve schat.
Och, waat heb ik toch van dich genaote.
Van dich Sjuulke en van dien stad.

Meziék: F. Pollux teks: W. Aerts.