Ouverture

Ik sprông, ik sprông zoë hoëg wies aan de wolleke.
En rende veur mien laeve van eur weg.
Ze bleeve mich met tien man achtervolge.
Maar ik, ik heel de mood en reep zelfs vrech:
Geej fiés Spanjoole! Laot ôs stad met rös!
Bedink det ik ôg stök veur stök as haufgerech en toetje, rauw lös!

Ik rende met gevaor veur eige laeve
Ein rundje um de moore van de stad.
Ik had eur ein pak rammel kinne gaeve.
As ik ein bietje hölp had gehad.
Maar 'k waar allein en zeej waare met twelluf.
En eigelik waar det van alles waat ik zoog allein nog maar de helluf.

Ze schoote met muskette en ik sprông en dook
Ze kwaame steeds ein bietje doënderbeej.
Wiesdet ik net op tiëd ein baekske euverstook
En dach noow bin ik intelik weer vreej.
Ik meus nog hônderd maeter wies de stadspoort.
Wie ik inens weer achter mich det duuvels en vervlookte Spaans geschriëf hoort!

Ik haolde ônderwaeg nog enne hônd in.
Zoë hard heb ik mien laeve neet gerend
Det toënt nog maar ens aan det ik gezônd bin
Enne Venlonaer, 'nen echte harde vent
't Waar net op tiéd weer binne in de stad.
Dao zoog ik det ik ein van mien twië hippe onderwaeg verlaore had!

Meziék /teks: F.Pollux

Altiéd 'tzelfde leedje

Huurt ge det? det raar geluud!
Huurt geej det mei, of neet?
En zeet ge auk waat neemus zuut?
Noow ik, ik zeen 't neet
Want alles heej
Kump steeds veurbeej
Daag in daag oét opniej!
Idderen aovend laat, weit ik al waat
ik morge doon en wie

't Is altiéd 'tzelfde, altiéd 'tzelfde, altiéd 'tzelfde leedje.

Dieke f-laai. 'k Heb pech gehad
Um heej te môtte zien
De moore um dees griéze stad
Die kniépe mich maar fien
Want örges wiejer, besteit d'r miér
Maar as ik ôg det zeg
Wilt ge niks d'raan doon, en mak weer schoon
Dus daorum wil ik weg.

Meziék/teks F.Pollux

Heej op 't plein

Heej op 't plein, heej is 't fijn
Heej vindse allerhand
D'n allerkleinste keezelstein
Is heej van diamant

Luuj,
Kaup en stök verpak gelök
En weg is alle pien!
Präötjesslikkers en groëte bikkers
Op de merret môt ge zien!

Heej op 't plein heej is 't fijn
Heej kômme druime oét
Ein doëje flots, al is ze klein
Wuurt heerlikke kerboét

Noow
Handelaere neet aan miér meere
Te bollig veur de striéd
Bin ik de man dae ôg redde kan
'k Wil alles aan ôg kwiét!

Heej op 't plein, heej is 't fijn
Mien ker waar lang mien hoés
Sloét aan, ein riej, en achterein
Maar 'k bin weer efkes thoés
't Is zoë fijn, heej op 't plein
Kaup maar fijn heej op mien plein

Meziék/teks: F.Pollux

Ik hoof d’r genne met zôn neus

 Ik hoof d'r genne met zôn neus <die is wiéd te groët
Dae neemp de waereld serieus <die neus is naat en roëd>
Dae löp zien neus maar achternoa <Venlo oét>
God wet nao wao <nao ein nieje broéd>
Zien neus die greut nao ed’re zin
En hae dauwt ze euv’ral in
Noow ens heej, en dan weer dao

Dank d’n Hier maar op dien kneen
Dich bis met Ties al good veurzeen
Venloos wies in ziene pink
Eine Godsgeschink
Och, en det-e mei waat stink
Is neet erg, want dienen bink
Blief ein heerlik lekker dingk

 Meziék/teks: F.Pollux

'k Heb aan de waereld gedreijd.

'k Heb aan de waereld gedreijd. En de waereld dae blief maar 'nt dreije
Alles heb ik ônderwiel geprobeerd. 'k Woel 'm weer oét laote scheije
'k Heb aan de waereld gedreijd. En noow blief-e maar doorgaon met dreije
'k Haop det ik, as de res heb gezeen, intelik thoés kin gedeije.

'k Waar dao wao sniéje in juni loog
's Zomers me wolle veste droog
Wie me vroog waat of ik zoog
As ik dach aan thoés
En ik kneep in mien voés

'k Waar wao de zôn december völt
'k Reej op ein paerd met vach en bölt
Maar gedöld kreeg neet verhöld
Det ik leever thoés woel zien
mien voés deej pien

Meziék/teks: F. Pollux

Sintermerte.

Sintermerte, Sintermerte. Petroën van dees stad.
Ik heb van dich wies op vandaag, noëits ein beeldje gehad
Ik zal dich altiéd good beware neem 't euveral mei haer
Dan dink ik aaf en toe aan Venlo, de lol en 't plezeer
Dan kin ik smeis aan Venlo dink 't Stedje van plezeer

Meziék/teks: F. Pollux

We meuge niks.

Weej gaon al jaore gebuk.
Onder det Hollandse juk.
Zeej beheerse gans 't laeve in dees stad
Ze hebbe gaar genne weet
Van waat good is en waat neet
Ze verstaon neet ens ein inkel wäordje plat.
Met eur oétgestreke snoet
Zeen ze d'r waal deftig oét
Des auk alles jao dan hesse 't gehad
Veule zich mevrouw, meneer
Miér as eine Venlonaer
Nae die Hollanders die zien weej mier as zat

Dao hesse weer zô'nne schravelaer
Dae is pekans nao ein glaas beer
Zoë zat wie ennen aap.
En die kakmedam dao naeve um
Die met zô'n Hegenese stum
Haet 'ne boezem wie 'n schaaaaap......

Uich kiék um dao dae ermen blood
In slippejas met hoëgen hood
Jummig waat arrogant.
Zien blaage zien al net zoë bekak
Ze waere elitair gemak
Hiel braaf, hiel schoën en elegant

Meziék: F. Pollux   teks: W. Aerts

Noëits

As eemus mich zoel vraoge: geisse oëits oét Venlo weg?
Dan goof ik um as antwoord: nae dao kump niks van terech
Zelfs 'n schetje op 't Hetje geit veur mich al te wiéd
'k Wil Venlo en Sjuulke neet kwiét

Noëits nae noëits wil ik mien Venlo misse
Noëits nae noëits want Venlonaer det bisse.
Wies in de iëuwigheid en langer, 'n Venloos keteerke vluug veurbeej
Sjuulke det mak mich lanksaam banger, maar as ik volhald blief 't heej
Noëits nae noëits en zelfs neet messchien
Want ik wil altiéd thoés met Sjuulke zien!

Zoë wie 't klökske thoés tik, tik 't neet boéte de stad
Ik laot de tikke kômme, wies ik alles heb gehad
En gaon ik slaope bliéf ik haope det ik neet weg hoof te gaon.
'k Wil baove, baove Venlo staon.

Meziék: F. Pollux   teks: W. Aerts

De hinne legge ein ei.

Kiék oét, kiék oét, kiék oét, oh jei oh jei
Die hinne die legge ein ei.
Det guuf drek duchtig trammelant
Dao-achter van d'n euverkant
De Spaanse hinne hebbe keet.
't Is trammelant um enne scheet
Noow buk ôg
Want d'r hingk waat in de lôch!
Oh jei! Oh jei!
Kiek oét dao kump ein ei.

Meziék: F. Pollux  teks: W. Aerts

Spanje

Weej kômme van Spanje. Door de keuning gesteurd.
De Prins van Oranje. Haet zien riék gans verscheurd
Van hoés e-weg en haard> Veur God en Rei
Ôs thoés is noow dit gaat. Dees rotte wei

Jariba en olé! D'n oozel en de fiéze wind
Dae juüg ôs weg van heej. Maar neemus dae ôs wiéze kint.
Wie we truuk môtte kômme. Nao de Middelandse zieje.
Jariba en olé! 't Is aafzeen en liéje.

Ik kôm heej van Bliérick. En ik van Remmund.
Weej danse zoë sierlik. Veur klinkende munt.
Weej gaeve hert en vel. Veur God en Rei.
En laeve met dit stel Piotte mei.

Meziék/teks: F. Pollux

Bliériks oét de kop

De huürs 't drek, 't klink neet gek
't Is neet lastig, zelfs peuters praote dialek
Probeer 't zelf, verras mich let noow efkes op. 't Is zoë gebeurd
Dan praotse Bliéricks oét de kop en met twië wäörd!

Want eene torro is 'n koe
Olé is heej jihoe!
'ne Spanjool in enne praos
Is in Bliérick Sinterkloas
Hertog Parma det is schink
En de keuning is ein ei.
Jao, noow spraek geej dus ein Bliéricks wäördje mei.

Taege ein maedje zaesse hertendeef
Zeg det ens nao
En later schat, ik bin verleef
Zeg det ens nao
En as 't dan met dich kösmoelt
Dan weit ge good waat het bedoelt!

Meziék: F. Pollux teks: W. Aerts

Don Juan is altiéd iérder wakker

Don Juan is altiéd iérder wakker. Don Juan dae mak zich oét de veut
Veur 't haenke kreit bin ik al langk en breid vertrokke, anders bin ik de pineut.

En wuurt daonao 't vruiwke einzaam wakker. Wet 't dök al neet miér wie 't zoot.
"Heb ik noow same geluimp of allein maar gedruimp?"
En zoë bliéf ik dus vreej en det is good.

Don Juan is altiéd iérder wakker. Don Juan, dae zörg det-e 'm smeert
Kump de zôn weer op, is 't maedje gefop. Die les is enne zak met munte waerd.

Don Juan is altiéd iérder wakker Don Juan, bliéf altiéd vreejgezel
Idder maedje smelt en idd're vrouw die velt. Maar Juan dae speult allein 'n leefdesspel
En ik heb te weinig vingers as ik tel
Wievuul maedjes ik al had as vreejgezel
Veur mich is leefde neet miér as ein spel.

Meziék/teks: F. Pollux

Hae kump

Hae kump, hae kump! Alexander van Farnese.
Neemus anders as d'n deze.
Schiet haos in de bôks.
Hae kump, hae kump! Ôzzen Hertog en in weeze
Hoove weej um neet te vreeze.
Want hae huút beej ôs.

Maar leeven hiër hae ruuk 't as ik schrik
Beej eine fouten blik
Haet-e dich al in de smiéze
Zaet-e: "Dich bis enne fiéze!
In 't kotje augenblikkelik!"

Meziék/teks: F. Pollux

De Meisterspion

Ik bin de meisterspion En altiéd undercover
De meisterspion, d'n beste lover.
Zoë link wie 'n loëje deur. Zoë hard wie paeperkook
En nörges bollig veur. Maar waal biezonder klook

'k Bin geboore as Urbanus
Spionere is mien baan dus.
Neemus wet det van die baan
Daorum neum ik mich Urbaan
Neemus kan mich nog waat liére
Ich bin goot in spioniere
Zeg noow zelf asse mich zuus
Dinkse drek: de's eine Pruus!

Ik bin haos altiéd ônherkinbaar
Gluif mich noëit want ik verzin maar
Neemus zuút det zoë aan mich
Daorum heb ik zô'n gezich
Neemus kin zoë transformere
Je suis bon en spionere
Is det noow neet grandioos
Dinks toch de's eine Fransoos

Meziék: F. Pollux teks: W. Aerts

Vendeloo maat aope!

Vendeloo maak aope, maak aope die paort
D'r is niks waat ôzzen Hertog miér as toewe deure stoort
Vendeloo maak aope, en laot d'n Hertog d'rin
Wiéze raod is deur, maar gans veur lau is deze zin:
Vendeloo maak aope, noow en laot d'n Hertog d'rin!

Ik weer zoë meug van straevele En raege mak mich naat
Maar waat ik in 't laeve nog 't allermeiste haat
Is as ik smeis, nao lange reize
Neet ens welkom bin
Dan stelt miene geniale geis
De nao mien idee normale eis.
Maak aope noow en waal ein bietje vlot!
Of ik scheet ôg stad kepot.

Meziék/teks: F. Pollux