Riëstepap met pruumkes.

Refrein: Riëstepap met pruumkes tralalalala
Riëstevlaai met schuumkes tralalalala
Riëstepap met pruumkes tralalala
Oeh man! oeh man! oeh man!

Mien mam die print mich altiëd in
miene sies bis dich.
altiëd as ik jäörig bin.
Vruëg mien mam aan mich
zek waat hadste gaer gehad.
dan zeg ik, det is nogal glad.

Ik ging ens met ein maedje mei.
moei wie einen draum.
En weej zoote met ôs bei
achter einen baum.
En det vroog wao ik aan dach
en wet ge waat ik um toen zag.

Gezônge door: De vrijbuiters/
en de Vrouwluuj van de Maasvallei.

Rocka-billy rodeo.

Refrein: Zing Jippi-jè, zing Jippi-joho
‘t Is waer Rocka-billy rodeo
Zing Jippi-jè, zing Jippi-joho
‘t Is de allergroëtste crazy cowboy-show
Zing Jippi-jè, zing Jippi-joho
‘t Is waer Rocka-billy rodeo
Kom zing nou met z’n alle, Jippi, jippi-jo
Daan wurt ‘t waer de groëtste cowboy-show.

Ik seen de Indianen
en uch... waat zien ze vlug
en dao zien de cowboys
die scheete in de luch
Want dao kwaam de sheriff
in dae groete Jeep
en samen met ‘t opperhoofd
roukt hae de vredespiëp.....

Ik seen de boeve-bende
daat had ik neet verwach
en ok de soldaoten
die scheete in de lach
want dao kwaam de captain
met en stuk in de kraag
en same met d’n opperboef
zwaait hae de vredesvlaag.....

Teks en Meziek: Hans v.d. Brandt.
Gezônge: Wooden chain.

Rots in de branding.

Refrein: Dich bis de rots, de rots in de branding
Dich bis de rots, in de wilde zië
Dich bis de rots, de rots in de branding
Dus bin ik trots, zoë trots op os twië.

Alles haet grenzen good is good
Mei kriegse wensen met euvermood.
Dan krieg ik vleugels de waereld is van mich
Daan val ik juus te pletter ik verloor mien aevewich.

Alles haet maote te is te
Meist ken ik ‘t laote soms zeg ik: “phuh”
Daan waer ik machtig met eine groëte mond
Daan val ik van mien vootstuk met twië bein waer op de grond.

Maar ondanks alle wiesheid, hek ik toch nog mei zôn streek
De remmen los, och mins laot mich toch gaon.
Daan krieg ik alle vreejheid, in plaats van enne praek
Daat guf daan juus de krach, um allein te blieve staon...

Teks en Meziek: hans v.d. Brandt.
Gezônge: Wooden Chain.

Same.

Twie waeg die nou dan samengaon.
Beej lol, plezeer en gein.
Veur elkaar steeds aopestaon.
Wal ierlyk, neet gemein
Wat gaeve en wat neeme....
Dao kump ut steeds op neer.
Same zorge veur de juuste sfeer.

Same door dezelfde deur.
Gaon weej de toekomst in.
Gaeve aan os laeve kleur
Staon weej aan ut begin
Kunnen hiel de waereld aan.
Dao zorge weej wal veur.
Same gaeve weej os laeve kleur.

D’r zien ok wal ens taegeslaeg
Dao ken men neet umhin.
Toch vinde weej de juuste waeg.
Weit zeeker dat dat kin.
Met leefde en begrip.
Haet men de sleutel tot succes.
Same euverwinne weej de rest.

Tekst en Meziek: Ruud v.d. Brandt.
Gezônge: Wooden Chain.

Same Stappe.

Ziet ge dao? Ederein binne?
Dan staeke weej van wal.
Ziet ge dao? We gaon beginne.
Vanaovend wuurd ‘t knal.
De meziek is al ‘nt blaoze.
Good stel, laot die luuj maar kraoze.
Zeej bringe met eur melodie.
Waat laeve in de ganse brouwerie.

Refrein: En weej hove deze nach neet ens nao bed te gaon
En dan hove weej ouk morge neet vruug op te staon.
Weej halde neet van pômpewater.
En later genne kater, genne kater, genne kater.
Enne gooje wiets vertelle is beej ôs d’n broék.
En weej lache ôs dan dökker vaaje in d’n boék.
Weej gaon neet met de kieppe op stok.
Des te minder zien weej kinder van de klok.

As weej op de lappe gaon.
Kieke weej neet op ein oor.
As weej same stappe gaon.
Gaon weej door ein twieësteinsemoor.
Vuëlste vruug tot ôzze spiet.
Klink: “‘t Is d’n hoëgsten tied”
Nog ein leed nog ein glaas en dan gaon sam sam.
Weer al die maedjes en die jônges moei nao Mam.

Nôw geit “t dan gebeure: De Kameräödjes.
(Fliegermarsch)
Wäörd: Frans Boermans.

Schotse sabeldans.

Refrein: Wönne, toewe, trieje, foare, hup dao gaon we weer.
weej danse heej de sabeldans gewoën op ôs meneer.
Van hakke tiëne, hakke tiëne, hakke tiëne, hak
weej danse nao de piepe van d’n die da doedezak.

In Schotland örges in de berg dao leet ein klein gehuch
dao euver geit, ‘t is waal erg, ein akelig geruch.
Want kriege die dao maar de kans, jao dan begint ‘t leid
dan doon die dao de sabeldans, en wet ge wie det geit.

Op zekere kiër waas wie me zaet, de schiereslieper zat
zoedette de sabels beej vergaet te scherp geslepe had.
Det goof mich einen houp redou, want zoë van tiëd tot tiëd
dan reep d’r eine hiël hard ‘au, dae’n tiën dae bin ik kwiet.

Die luuj die ginge toen te kiër, met al die whisky’s op
d’r naeve springe ging neet miër, maar waal d’r baoven op.
Waat dao van kwaam det raojt ge waal, want euveral op de grônd.
dao loge door de ganse zaal de tiëne in ‘t rônd.

Teks en Meziek: Frans Boermans/ Jan Theelen.
Gezonge: Ben Verdellen.

Schrief maar op de lat.

Refrein: Schrief maar op de lat en doon waat te drinke (heej)
Schrief maar op de lat en doon maar leeker mei.
En we gaon oét d’n bol, lang laeve de lol
Weej verzoepe de boel veur de kat zien vioel (hoi)
Schrief maar op de lat en doon waat te drinke (heej)
Schrief maar op de lat en doon maar lekker mei.
Zonder geld op de tes, amuseren weej ôs bes.
Want de raekening geit “cool” nao de kat zien vioel.

Idderein haet wat (O jao?)
Meistal heb ik zat.
Maar nou heb ik tekort.
Um d’r eine kleine weg te gaeve.
Daat is iewig zund.
En nemus ech gegund.
Dus vraog ik blie d’n hier.
Toe mats mich einke kier, dus....

Zeg kniep en eugskes dich.
Vergaet veur ef dien plich.
En bin neet te beroerd
Um d’r eine kleine weg te gaeve.
Dich kriegs ut geweld gewis.
Ech met St. Juttemis.
En zonder vuul geschoei.
Kriegs dich de diekste foei....

Teks en Meziek: Hans v.d. Brandt.
Gezônge: Wooden Chain.

Senôr Klores.

In ‘t vaere land Ecuador,
woënde ein Senôr Klores.
Dae had ‘n uigske op Dolores,
de dochter van d’n toreador.
‘s Aoves beej heldere maon,
Brach hae um en serenada,
“Caramba”, reep toen ziene Pipa,
is det nôw haos gedaon?

Refrein: Waal nôndepié....waat eine sores,
waat môt dao boete dae Klores.
dae bliëf aaf van mien Dolores.
Anders liër ik um ens mores.
Waal nôndepie.... zag zien pappie.

“Sacramento”, reep dae torero,
Kwaam furioso oet zien casa,
en schoot de Senôr met zien pistola
de poento van ziene sômbrero
De guardia kwaam toen pronto
en waat waas ‘t resultado,
in de nor zông de torero
vol sentimiënto:

Senôr Klores zoot kontento
met Dolores in de villa
hiël intimo op de sofa
en det vônd ‘t magnefico.
Kores koch van de guardia
uno completo clementia
veur Dolorus ziene Pipa
en dao zông: “Hiep hiep hoera!”
Waal nôndepie.... waat eine sores.
Luuster ens heej Koekelores,
neem gerös maar mien Dolores.
want det liërt dich dan waal mores.
Det wet waal wie.... nôndepie.

Teks en Meziek: J. Theelen/ F. Boermans
Gezônge: Ben Verdellen/Lottie Boermans.

Shanana.

Vruuger zoogse op T.V.
Wet geej net zoë good wie weej.
Niks as Hoëggeslaote kleier.
Bôkse, jasse, alles breier.
Seks, det hoort d’r nog neet beej.
Want weej waare neet zoë vreej.
‘t Ging neet vaerder dan wies heej.

Maar vandaag op daen T.V.
Wet geej net zoë good wie weej.
Niks as bijna bloëte bille.
Die auk nog zôn bietje trille.
En nog miër ojee ojee.
Neet beej de N.C.R.V.
En maar springe, ein twië, dreej.

Shhananananananana shananananananana

Op T.V. dao is ‘t heit aan ‘t waere.
Op T.V. môt alles sexy zien.
Op Veroncica of RTL
Dao zuusse dök zôn lellebel.
Huul vuul bloët en met of zônder vaere.
Daen T.V. is net ein seksmesjien.
Op die roët alweer ein nieje snoët.
En met haos alle kleier oët.

Jao, wao môt dat noow toch haer?
Vraoge weej ôg alleveer.
Meuste ze det neet verbeeje?
Jao, de hebs toch alle reeje.
Want ze gaon toch waal te vaer.
Iddere aovend altiëd weer.
Of zeen weej det stiekem gaer?

Shananananananana shananananananana

Op T.V. dao is ‘t heit aan ‘t waere
Op T.V. môt alles sexy zien.
As dao emus iets verkiërds van zaet.
Wetse det dae gekeke haaet.
Hull vuul bloët en met of zônder vaere.
Daen T.V. is net ein seksmesjien.
Hald ôg neet zoë euverdreve braaf.
Want zôn program zet nemus aaf:

Shanananananananana Shananananananana

Oëtgebrach door Neutjes 4:
Henk v.d Ham/Wim Janssen.
Peter Jansen/Hans Mans.

Shit man!

‘s Morges as ik werke môt, kôm ik neet good op.
Kiëk neet wao ik laop met miëne stômme kôp.
Zet dan veurzichtig ein vutje op de stoep.
Trap ik al metein in de hônde ....
Shit, man! Shit, man!

Staon ik dao te scherre met mien schoon naeve de rand.
Laup ik veur de zekerheid nao d’n euverkant.
Maar effe later is ‘t weer zoë wiëd.
Trap ik weer es in de....
Shit, man! Shit, man.

Is ‘t noow veurbeej? Och, luuj vergaet t’t maar.
Want ‘t blief toch ech neet beej die paar.
‘s Middaags wuurd ‘t al te dol.
Trap ik veur d’n derde kiër in eine....
Shit, man! Shit, man

Kiëk maar in de parke, kiëk maar in de straote.
Euveral waere hundjes oëtgelaote.
Fikkie, Hector, Asta, ze hebbe maar ein fout:
Ze legge aldaag waal viëf kiër....
Shit, man! Shit, man!

Geej zult noow waal dinke, wie ik ôg kin.
Det ik eine hôndehater bin.
De’s neet waor, de’s ôngegrônd.
Ik halt van hund, maar neet van....
Shit, man! Shit, man!

Oëtgebrach door Neutjes 4:
Henk v.d. Ham/Wim Janssen.
Peter Jansen/Hans Mans.

Sjakie van de karoussel

Ens in ut jaor zuusse Sjakie
Sjakie van de Karoussel
Hae rûp: “drie keer voor een knakie”
Klingelt dan dûchtig de bel
Op zienen bölles ein petje
Twiej kiëkers blauw en vrech
Hae gûûf den orgel langzaam ‘n zetje
En dan dreijt Sjakie weg

Refrein: Kiëk dao geite
Kiëk dao dreijte
Sjakie van de Karoussel
Idder rûndje
Ein niej mûntje
En ein zalig orgelspel
Kinder auge die dan straole
Van ‘t schuitje of ut paerd
Idder wilt de kwas draafhaole
Want dae is ein rûndje waerd.

Wie dök zal Sjakie nog kômme
Heej op de kermis beej ôs
Kan ut ûm straks neet mier bômme
Of lûût hae um noeits los
Misse weej zien lekker snûûtje
Misse zien tingel bel
Dreijt alles dan misschien um zien brûûdje
Stop dan de karoussel........

Teks en Meziek: Ben Verdellen/Wiel Aerts.
Gezônge: Ben Verdellen en De kinder

Sjeng is kaal

Sjeng is kaal - Sjeng is kaal.
Sjeng, Sjeng, Sjeng is kaal.
Uig Sjeng, nôw kiek Sjeng, och zuus Sjeng, dae gooje Sjeng.
Jao Sjeng, Sjeng, Sjeng is kaal.
Nae Sjeng, nôw kiëk Sjeng, och zuus Sjeng, dae’n erme Sjeng.
Dae is de haor verlaore, ha, ha, ha, ha,
gladdekker gewaore, ho, ho, ho, ho,
maar Sjeng zaet waal det is mich glad egaal.
Sjeng, Sjeng, Sjeng is kaal.
Uig Sjeng, nôw kiek Sjeng, och zuus Sjeng, dae gooje Sjeng.
Jao Sjeng, Sjeng, Sjeng, is kaal.
Nae Sjeng, nôw kiek Sjeng, och zuus Sjeng, dae’n erme Sjeng.
Dae is de letste jaore, ha, ha, ha, ha,
“t Gezich te lank gewaore, ho, ho, ho, ho,
Hae is zoë kaal waal wie ein eierschaal.

Gezônge door: De Vrijbuiters/
en de Vrouwluuj van de Maasvallei.

Sjöttefiës.

Eeder jaor in de zomertied,
is het bie os in het durp zoa wiet
Voane weije in de wind
Eederein is zoa blie wie e kind.

Joa ‘t geuf e reusachtig fiès
Dat de sjtumming sjtiege lièt
Kom mèr mit mit os
‘ne Sjeut, en het geit los.

Sjöttefiès bie os in ‘t dorp.
Wae sjuut huuj dae vogel aaf?
Trots dreug eederein zien drach
‘t Is ein ware prach
Stöttefiès bie os in ‘t dorp
Wae zal sjtrak de keuning zin?
Eeder maedje dink veur zich
Keus dae keuning mich?

Eeder jaor höbbe veer het gelök
Want dan komme de sjötte trök
Veur eedere rake klap
Weurt e pötje beer getap.

En es de lètste sjeut dan klink
En de vogel in sjtökker sjprink
Jong, dan weurt gelach.
Gedans de ganse nach.

Golvend Heuvellland. Schintaler.
Tekst: Guido Frissen.
Gezônge: Martin en Guido.

Sjuulke.

Hae is de leefsten blaag
Wônder wie de niejen daag.
Laeve wie ein kaoreveld... en
Opa ziene kleine held.
Is wie ein bloom gebleujd.
Ièvrig in de zôn gegreujd.
Hae is nieje laevestak...hae..
haet oma weer verleef gemak.

Laot um maar druime, op zien bed van roëze
De waereld dreijt um um haer.
hae leef in zien eige sfeer.

Laot um zien eige zôn
teikening van lôchballon.
Wervelwind van kleure
‘t Vinde van de blômegeure.

Laot Sjuulke druime, op zien wolk van vaere.
Wao sterre straolend staon.
Stilkes druime van de maon.

Hae is de leefsten blaag.
Det d’n Hièr um zaeg’ne maag.
Hae is mam zien leefste stök.
Klein Sjuulke heb nog vuuël gelök.

Wäörd : Hannelore Winter.
Meziek: Gregor Theelen.
Gezônge: Hannelore Winter.

Skieje.

Beduch veur zien gebeinte zag Theike ens hiël kwaod:
“Waorum haolt die gemeinte dae snieë neet van de straot?”
Ik krieg wat van det kaere, ik zeen ze neet miër staon.
Hae is ‘t um gaon smaere en op wintersport gegaon.
Kiek maar det bein van um, de gieps dae zit nog d’rum...

Refrein: Heidie, heido, heida.
Wie schoën is toch det skieje, det is ein waor genot.
Heidie, heido, heida.
Zoë door dae snië te glieje op de latte of dien vot.
Jodelahiti...... jodelahiti......

Thei liërt ‘t in gen jaore, det kump van nao ‘t schient.
Umdet zien veut neet spaore, die zien neet oëtgeliënd.
Hae skiët ouk hiël biezônder, want eder rup: “Uig Dao!”
Zien latte zien al ônder, dan kump Thei ze achternao.
Det is veur um de mop, zoë schuut hae baeter op...

Maar ‘s aoves in de Stube is Theike op zien bes.
Van dirnd’ls en van Bube kriëg hae dan jodelles.
Beej Enzian en Weinbrand, beej Schnaps en Jägerthieë.
Det is veur Thei de zônkant van det plare in de snieë.
‘s Nachs wedelt hae dan net, in slalom nao zien bed....

Teks en Meziek: J. Theelen/ F. Boermans.
Gezônge: Ben Verdellen/ Lotti Boermans.

Slaagraumwölkskes.

Ik kièk de slaagraumwölkskes nao.
Die aan d’n hemel staon.
Ik zeen dien zilver vleegmessjien.
Dao statig hoëger gaon.
En idders kièr wets dich al lang.
Bin ik weer ôngerös.
Mien hand rös efkes op mien wang.
Wao’s dich mich haes gekös.

Refrein: Kôm gauw weer nao hoès mien leve snoèt.
Dan röste weej ièrs ens lekker oèt.
Weej druime ôs wies in de wolke fijn beejein.
Ein örgelke kös ôs oèt de slaop.
En alle terrasjes gaon weer aop.
Zo’n stedje wie heej det weite weej.

Ister gen ein.

De pos die bringk mich kaarte wie.
Ein daagbook oèt de lôch.
Dich teikens kusjes wie Picasso.
Leef en oètgezôch.
En geit d’n tillefoon dan weit ik good.
Det’s dich det bis.
Dan zaeste deste van mich hils.
En ik, det ik dich mis.

Wäörd: Hannelore Winter.
Meziek: Jan Derijk.
gezônge: Hannelore Winter.

Squaredans.

Cowboyhood, pettycoot en stevels sjiek van laer.
Ôs kefee hit seloën, dao danse weej de square
Det zien ech van die ruige fuive.
Luuster good, want dao gaon we haer.

Stel ôg op in ein riej, hiel netjes naevenein
Maedjes links, jônges rechs, neet te doën beejein.
In de maot maak geej zeve traeje.
Neet zoë lui, goei ens met de bein.

Refrein: One, two, three, nog ens opniej
Four en five, det’s life
Laot um go go, hand in hand.
Bliëf neet aan de kant
Kôm on kids weej make d’n blits
Det duit ederein zoë gaer
Veer kiër rônd met plenty flaire
Dit is rôndoët square.

Little Jo en Keto, jao eder bleikgezich
Krieg ein kleur op d’n deur, kom square maar en mit micht.
Want det zien van die krasse passe.
Luuster maar, dit is gen geplaar.

Stel ôg op in ein riej, hiel netjes naevenein.
Maedjes links, jônges rechs, neet te doën beejein.
In de Maot maak geej zeve traeje.
Neet zoë lui, goei ens met die bein.

Teks en Meziek:E. Hermans/Ben Verdellen/F. Tilburgs.
Gezônge: Ben Verdellen.

Stake.

Dae man van heej naeve
dae haet haos gen laeve.
Wie dae toch môt lieje
in dees slechte tieje.
Hae keek in zien loëntäöt en reep, de voës in de lôch:
“Alweer dreej procent ingeleverd, nôw is ‘t genôg!”

Refrein: En nôw maar weer gaon stake, want ik bin ‘t zat.
Zoë slech haet emus ‘t nog noëts gehad
Ik wach neet langer, mienen tiëd is kort.
Want morge môt ik nao de wintersport.
En dan maar weer gaon stake, same hand in hand.
Maar iërs good aete in ein restaurant.
Met spandeuk laupe, rope boe, boe, boe,
Nao aaflaup guf ‘t ‘nne barbecue.

Ik zoog um gaon kaupe.
Met baodschappe laupe.
Hae leep langs de schape,
te griëpe en gape.
Hae laajde zien kèrke zoë vol, dao kôs niks miër beej.
en klaagde: “Ik heb neet miër geld in de portemenee.”

Dae man kan waal klage
of door zitte zage.
Geej meus maar ens weite
wie weej staon te zweite.
Weej ligge veur pampus heej haos en det veur de lol
en hebbe met al det gekraos nôw pas eine kant vol!

Gezônge door: De Vrijbuiters/
en de Vrouwluuj van de Maasvallei.