Ein klein Gelök.

Waat groeët liek, haet ein klein begin.
Laot zien zoeë wie ‘t is.
Veur mich telt wat ik rièk bin
Nae beslis neet waat ik mis.
Det prieske oèt die grabbelton.
Det benkske in de zón.
Dae knipoug van zón Jantje Betón.

Refrein: ‘t Laeve dreijt dök, um det kleine gelök.
Wat gaeve, wat neme, efkes stil bliève staon.
Van binne begint, waat minse verbindt
Guuëf wermte aan idder bestaon.

Ein ieske op ‘t vuuske
Uig, daen troshaup in de fik.
‘t Stuùte op dien huuske
Of ‘t kuntje van de mik.
‘t Soèze van ein lintewei.
Kepèlke in de mei.
‘t Gild schuut veur de keuning op de hei.

Dien waegschaol zaet ein unske dr’aaf
‘t Ièrste wäördje, Mam.
De kermes, eine sókkerstaaf
Nog net gen Abraham.
Beej Mam thoès met de ganse zwiek.
Applaus van dien publiek.
Det kleinkind waat hiel spraekend op dich liek.

Teks en Meziek: Wiel Hermans/Wim Roeffen
Gezônge: Margo Verbeek/Loek v.d. Liefvoort/Geert Verschueren.
Jaor 1993

Elke Zondaag.

Refrein: Elke zondaag nao ‘t klokke luuije.
Dan ginge weej nao ôs Oma toe.
En weej kriege dan ein snuupke.
En speulde op ‘t stuupke.
Elke zondaag nao ‘t klok-geluuj.

‘t Is lang geleej, maar ‘t blief doênder-beej.
Elke zondaagmorge nao ôs groët-elders heej.
Iërs wat bloome plikke en ‘n teikening d’r beej.
Same in de koets, zoë ginge weej.....

‘t Is ni vurbeej, want ‘t blieft altiëd heej.
Met ôs eige kinder, nao eur groët-elders heej.
Zeej doon bloome plukke en ‘n teikening d’r beej.
Same in d’n auto, zoë gaon zeej....

‘t Is ein raar idee, maar ‘t blieft stiekum heej.
Komme uver jaore ok mien kleinkinder heej.
Doon ze bloome plukke of ‘n teikening d’r beej?
Die gedachte kriemelt mich stiekum heej....

Teks en Meziek: Hans v.d. Brandt.
Gezonge: Wooden Chain.

En buuske bloome.

Refrein: En buuske bloome veur idderein
brengt alle minse doênbeejein
Det buuske bloome veur idderein
duit hertjes bleuije, van groët tot klein.
Det duit dich good, det is ni mis
Want de leefde wurt waer efkus opgefris
En buuske bloomeveur idderein
brengt alle minse, groët en klein, beejein.

Toen ik amper zestien waas
en danse meugde gaon.
Woort de leefde mich de baas
maar hae zoog mich ni staon.
Mien mooder goof mich gooije raod
Hao hiel bizondere:
“En buuske bloome ken gen kwaod
want die doon wondere...”

Wurt d’r ok maar iets gevierd
kom noeït met laege hand
De haes zoë snel en hert versierd
ok as spiet nao trammelant
Volg mooder euren gooije raod
de hiel bizondere:
“En buuske bloome ken gen kwaod
want die doon wondere...”

Teks en Meziek: Hans v.d. Brandt.
Gezônge: Wooden Chain.

Fietse.

Mooder zaet: ‘t Zunke schient.
Kiëk en auk nog oëtgekiend.
Op d’n derde zôndaag in augustus.
Want die gôje Tante Mien.
Mot noow bijna jäörig zien
Kôm dao gaon we haer neet met de bus dus.
Pak de fietse oët de schôp.
en pômp alvas de bendjes op.

Refrein: Weej gaon de pade op de lane in.
Weej hebbe gôje zin.
Want fietse kump weer drin.
De pade op de lane in.
Want fietse is in.
De minse winke en dinke.
Wat liek ‘t laeve weer niej - la la la
Met d’n alde raegenjas.
Lekker in de fietsetas.
Fietse mak bliej.

Moode pak de kallebas.
En ze zaet: “Die kump van pas”
As weej ônderwaeges môtte röste.
Örges in ein greppelke.
Schelle weej ein eppelke.
Jao weej weite wat de minse löste.
Dan zinge weej weer opgeknap.
Van eine kilo appelsap.

Teks en Meziek: A. Wassen/Ben Verdellen/ F. Tilburgs.
Gezônge: Ben Verdellen.

Formentera.

Aqui el tiempo es bonito
Quiro bailar quiero cantar.
Paco Pablo Pancholito
Hallöschen Schöschen Balear
Madre con hijos de Sa Volta.
Olá El Punto mon ami.
Tennis tango quapo quapa.
Esta al vida... c’est la vie...

Refrein: Mi corazôn... mi Formentera.
Ik teiken hertjes in ‘t zand.
My flowers en la primavera.
In mien luimig druimeland.
Hasta la vista mi isla bonita.
Salud te quiero tot ôs rendez-vous.
Adios las flores my lover Salina
Ik môt weer gauw nao Venlo toe.
(te quiero besos en salud)

Adios amandelbäum en playa.
Paëlla rica Spaanse wièn.
Mi amigis chico chica.
La luna llena del Fermin.
Pasqual y Ranas de Pirata
Beej Fona Pèpe waas ik gaer.
En met Juan nao de Mola.
Leet Charlie”s eiland um ôs haer...

Wäörd: Hannelore Winter.
Meziek: Jan Deijk.
Gezônge: Hannelore Winter.

Geld mak neet gelökkig.

Karel werkde gans zien laeve hard, met vuul geweld.
Had zich hielemaol gegaeve, juus maar veur det geld.
Haet noow geld, jao beej ‘t laeve en det duit um deug.
Maar um ‘t noow oët te gaeve is hae vuuls te meug.

Meint ge det dae gelökkig is?
Nae, nae, nae.
Asse te meug um t elaeve bis?
Nae, nae, nae.
Werke det is veur de paerd, de minse zien vuul miër waerd.
En gelök is neet met geld te kaup, nog neet met zônnen haup.

Jaer had noeits ens geld bezaete, wies det hae wat wôn.
Lottopriëze, jao, die haet-e: anderhalve tôn!
Daovan krieg hae, naeve rente, auk ein greekgezich.
Duit in zörg um al zien cente ‘s nachs gen aug miër dich.

Meint ge det dae gelökkig is?
Nae, nae, nae.
Asse te gier um te gaeve bis?
Nae, nae, nae.
Jao, de kriegs d’r rente van, de’s al wat geld gaeve kan.
En gelök is neet met geld te kaup, nog neet met zônnen haup.

Arie woënt allein in ziene moeie bungaloo
Haet gen vrouw, maar waal ein zwumbad, zelf met video.
Op vakantie geit daen Arie dök, maar waal allein.
Einzaam in ziene Ferrari euver de A-ein.

Meint ge det dae gelökkig is?
..eh....Jao, jao, jao!
Asse met geld zônder maedje bis?
...eh... Jao, jao, jao
Zônder vrouw geit ‘t dich smaal, maar met det geld lök det waal.
en gelôk is neet met geld te kaup...
Maar ‘t schaelt waal einen haup!!

Oëtgebrach door Neutjes 4
Henk vd. Ham/Wim Janssen
Peter Jansen/Hans Mans.

Geld.

Refrein: 't Einigste waat telt is geld
neet te winig hielvuul geld.
Daan hofse noeit ni wiet te laupe
en kinse alles dichtbeej kaupe
‘t Einigste waat telt is geld
neet te weinig hielvuul geld
‘t Goeit principes euverboord
helt toch steeds ut letste woort
alles dreijt allein um geld.

Zitse oeit um hulp verlaege
iever is en luchtballon
vrindendienst is enne zage
want veurniks schient de zon.
Men vrugt meistal: “Money, Money”
as ‘t ken, zelfs ein miljoen
zellefs ozze kleine Johny
wil wal helpen, maar daan poen.

Volgse meinige discussie
int geluif of politiek
‘t Geliek is en ilusie
veur moraal of ethiek
‘t Compromis het “Money, Money”
want ut kost waer en miljoen
‘t Paradies vaan “Milk en Honey”
geit oeit tenonder aan de poen.

Teks en Meziek: Hans v.d. Brandt.
Gezônge: Wooden Chain.

Gelök leet euveral verborge.

Refrein: Euveral leet gelök verborge,
want dit is weer eine nieje morge.
Wat daen daag ouk bringe maag.
ik hald van bloome, ik hald van vandaag.

Bloom in ut graas
gaef dien kleure neet bloët,
wies ut zunke dich kös
in ut morgeroëd;
Wies bleujende leedjes dien hertje ôntspringe;
wies zingende veugel ouk mich laote zinge.

Bloom in ut graas
jao de lachs, de bis bliej.
De weegs in de zôn,
idder denske is niej.
Wies ‘s aoves ut schemert en sterre doordringe;
wies leeflikke druime de morge ôs bringe.

Bloom in ut graas,
as de maon geit verdwiene.
Ut dauw geit verdampe,
ut zunke geit schiëne.
Dien hertje brik aope, de steis waer te straole.
Ik wil dich neet plökke, ik kôm dich neet haole.

Teks en Meziek: H. Winter/B Verdellen.
De Vrijbuiters.
gezônge: Ben Verdellen.

Genuë.

Refrein: Ave Maria, Ave Maria.
en in veurspood en gelök of in groët verdreet
Mooderleef waat auk gebeurt verlaot ôs neet.

Minse kwaame, minse ginge,
same baeje, same zinge.
Nao Genuë, nao de kepel van ôs Leef Vrouw.
en zoë minnigen bleef Moder altiëd trouw,
baejt dao nôw nog aeve gaer.
Kranke luuj, gebraoke minse.
smaekgebaeje, hertewinse.
‘t Klein kepelke is ein plaats van leef en leid.
van verlange, haop en dankbaarheid
door alle jaore haer.

Eine man baejt deep verslage,
Maria help mich ‘t leid te drage.
En ein bruudje offert bliej zien broedsboeket
nao ‘t baeje van ‘n iërlik dankgebed
geit ‘t weg de toekôms in.
Kleine kinder met wat blumkes
ingehalde fluusterstumkes
loupe smiespelend naevenein wies gans veuraan.
wae van eur stuk nôw verdöld ‘t kerske aan.
de kleinste krieg ziene zin.

Teks en Meziek: Frans Boermans/Jan Theelen.
Gezônge: Ben Verdellen.

Gezond en tevreeje.

Refrein: Niks te lang, niks te breid
niks gen haat, niks gen nijd
niks verlaore, niks verwond dus niks geleeje
Niks te vuul, niks te weinig
niks te min, niks te geinig
Maar ik veul mich hiel gezond dus tevreeje.

Men waardeert juust vuul te min, de wezenlijke zin
vaan os aller, dagelijkse laeve
Nog de roem of succes, verzachte pien of stress
asse vergaets , ok nog te laeve.

Als ‘t noodlot dich oëit velt, hesse niks mier aan dien geld
en opens, daan gelde nieje normen.
Daan is idder waer geliek, jonk en ald, erm of riëk
en men geit, eur ideaal hervormen.

Minse bin toch ni naief, alles is zoë relatief
Ok nao d’n doëd, daan zien d’r geen elite
Dus maak og ni zoë druk, preuf nou och geluk
Zoe lang ut geit, kense genieten.

Maar ik bin nog hiel gezond (3x)

Dus tevreeje..................

Teks en Meziek: Hans v.d. Brandt
Gezônge: Woden Chain.

Gezondheid en gelök.

Waat verwachste van ‘t laeve,
ein vraog veur eder mins.
Haopste det ‘t dich zal gaeve,
al waaste dich maar wins.
En dan kiekste nao die waelde um dich haer
en vruegs dich aaf. “Waat had ik nôw nog gaer?”
Maar ‘t allergroëtste gelök, det vergitste vuelste dôk.
Waorum, waorum?

Haet ‘t laeve dich geschônke
vuèl gave geld en good.
Maar ‘t praole en ‘t prônke
det stilt noets dien gemood.
En al wuerste ouk vergöld door roem en iër.
Ouk al kriëgste mach en kinnis miër en miër.
Aste gans verzadig bis, meinste nôg dezte waat mis.
Waorum, waorum?

Waorum biste ôntevraeje
beej al dae’n euverdaod.
Want daoveur is toch gen raeje.
dich hebs ‘t toch neet kwaod.
Maar det kump umdeste ‘n groët gelök vergits
en det kump umdeste neet de waerde wits.
aste in ‘t lave steis, gans gezônd van lief en geis.
Daorum......

Teks en Meziek:
B. Ulvaes/B. Anderson/F. Boermans.
Gezônge: Ben Verdellen/Lottie Boermans.

Gooije morge

Lente, zomer, herfst en winter.
D’r is alwir ein jaor vurbeej.
Ik kin d’r echt, ni um treure.
Ut wurt noow wir lente heej.
De blumkes gaon waer bleuije.
Dus beijkes opgelet!
Daag winter, slaop mâr zachjes.
In dien eige winterbed.

Refrein: Gooije morge, Lentendaag ........
Gooije morge, Lentendaag ........
Gooije morge, Lentendaag ........
Gooije morge, Lentendaag ........

Deuren, ramen gaon wir aope
‘t Zunke lacht, men is tevree.
Ik veul mich toch zoë oëtgelaote.
De zomer kumt wir doënderbeej.
De kinder en de veugel.
Die danse in de wei.
Zeej veule zich herbaore.
Verlos van eur beddesprei....

Teks en Meziek: Margo Verbeek/
Hans v.d. Brandt.
Zang: Wooden Chain

Greumelevla.

Halleluja, Halleluja.

Ich kin geneete van gebak
Ich rouk gaere gèt tabak.
En ouch e pilske sjlaon ich neet aaf.
Want dat is lekker, lekker, lekker, lekker.
Mè mien allergraots gelök
Is e lekker, lekker sjtök
Dat kin ich neet euversjlaon.
Want dat is lekker, lekker, lekker, lekker,
Op mien kneje, dank ich god.
Want van greumele, ben ich kapot.

Halleluja, Greumelevla.
‘n Hiel graot sjtök mit sjlaagroum drop.
Aet ich mien vingersj gans bie op.
Hallelujah, Greumelevla
Dao bin ich toch zoa aan versjlaaf.
Greumelevla.

Mit de Kermis, holala.
Höb veer greumele op de vla.
En de bekker kump dan aan hoes.
Jao, oze bekker, bekker, bekker, bekker.
Op mien kneje, dank ich god.
Want van greumele, bin ich kapot.

Veesj van de bekker, wow!!!!! dat is lekker.
Daorom zing ver noe in kaor!!!!

Groëte hei.

Dök dan laup ik nao de groëte hei.
Want ik wandel dao zoë gaer.
Op d’n bôspaad beej d’n iërsten dreij
riet ‘nne crosser mich umvear.
Wiejerobbers wuurt sôldaot gespeuld,
met geknal van scheetgewaer.
Nôw en dan brikste de nek
euver de aafvalzek.
Och minse wao môt det haer.

Huur ze rônke, huur ze knettere, huur ze scheure
och wie lang môt det nog deure.
Det gedeuns is dao gewoën
groëte hei, och waat bis dich toch schoën.

Gezônge door: De Vrijbuiters/
en de Vrouwluuj van de Maasvallei.

Grumels in ‘t beddelake.

Mie vindt ‘s morges det zoë lekker
Heladiladilo
Bruedjes van de wermen bekker.
Heladiladilo
Maar waat Mie zoë kwaod kan make.
Heladiladilo
Grumels in ‘t beddelake.
Heladiladilo.

Verdorie bin toch tevreeje mins
auk aste de grumels neet kriege kins.
De hebs tevuël noëte op de zank.
Lekker is maar eine vinger lank.

Gezônge door De Vrijbuiters/
en de Vrouwluuj van de Maasvallei.