Plaats 1,
Miene Vastelaovesbloës
Wanniër begint ’t schoënste fees van al?
Beej ein liedje of d’n iërsten bal?
Hae krieg ’t as se zich ein pilske drink,
Maar ik wanniër ik heej aan dink:
Refrein:
Des miene Vastelaovesbloës,
Dao is de joeks in thoës,
Ik hoof gaar niks te koupe,
Det schaelt mich eine jas,
Want wao ik in wil loupe,
Det hingk heej in de kas,
Des miene vastelaovesbloës,
Zón oranje-greun ruutje.
Dees daag dan kins se dich begaaije gaon:
Wat hebbe zich de minse aangedaon?
Ze hebbe zich weer drök en moëj gemak,
Maar ik pak wat ik altiëd pak:
En is ’t örges weer zoë biëstig drök,
Dan bringk daen bloës mien maedje vuuël gelök,
Want zien weej efkes oëterein gegaon,
Zuut det mich euveral toch staon:
Brök:
Idder jaor, des klasse,
Wuurt hae ens good gewasse,
En is se dan klaor
Ruuk ik, iërlik waor,
Nog ’t beer van vurrig jaor.
Zang:
Bart Ebus, Loek Heunen,
Marco Gielens en Ettiene Snel
Teks:
Peter Jansen
Muziëk: Hay Geritz
Plaats 2,
Wae kint ós noow neet?
Refrein:
Wae kint ós noow neet
Weej zien hiel bizónder
Zinge ein vastelaovesleed
En doon veur nemes ónder
Weej zinge neet gans zuver
Maar och, det boeijt ós neet
Make waal ens eine schuver
Maar weite wao det aan leet
Weej zinge hard, weej zinge vals
Eine polka, eine mars of eine wals
Of geej ut hure wilt of neet
Weej zinge toch ‘t hoëgste leed
Koeplet:
Weej zien gen netuurtalente
Det wet toch idderein
Speule gen instrumente
Maar gaon wiej einen trein
Weej kinne ‘t neet laote
Gaeve alle klanke kleur
Det doon weej noëits met maote
Maar gaon d’r waal gans veur
Koeplet:
Weej zien gen gooj muzikante
Det is zach oëtgedrök
Weite toch waal van wante
Det is noow ós gelök
Weej laote ós neet kinne
Goeije alle remme los
Weej gaon óch noow verwinne
Dus geej ziet noow de klos
Zang:
Paul Lenders, Graat Peeters en
Onno Vaessen
Teks en Muziëk: Paul Lenders
en Ruud Bettinger
Plaats 3,
Zoë wie ik bin
Refrein:
Kom neem mich zoë wie ik bin
Al heb ik nappes op de vim
Dich bis die ster aan mienen hemel
Kóm neem mich zoë wie ik bin
Wies ‘t zunke lache kin
Dreije weej door, en gaon veur idder oor
Koeplet:
Doëzende ore die heb ik geteld
Noow is ‘t ech weer zoë wiëd
Staon heej met dich noow weer joeksig te zien
Verleef en vergaete d’n tiëd
Koeplet:
Doëzende minse staon weer aan de straot
Kiëke de ouge weer oët
Zeen wie d’n optoch veurbeej trek aan eur
Ik zeen allein maar dien snoët
Koeplet:
Kiëk wie ‘t mäönke ein uigske dich kniep
Straolend kiëk hae op ós naer
Doëzende sterre die kinne daen blik
Zegge die hebbe zich gaer
Zang:
Roy van den Broek en Ingrid
Janssen
Teks: Frank van den Broek
Muziëk: Hay
Geritz
Plaats 4,
Wat 'nne mazzel
Ik staon heej weer veur de spegel
En kiëk mich zelf aan
Kriëg dae lach neet miër van mien gezich
Ik laef al jaorelangk naor ‘nne regel
Maak van idderen daag ’n magnifiek gedich
De wäörd die valle zoëmaar op de plek
Ik dich …. dich en ik det is te gek
Refrein:
Man wat hebbe weej mazzel, kiëk ens wat ’n gelök
Dit te meuge belaeve, dreej daag aan ein stök
Man wat hebbe weej mazzel, euveral zien weej beej
Kóm weej viere ’t laeve, kiëk ens heej
Pak was se pakke kins de zang…de lach…de kleure
Aope dien vastelaoveshert laot ‘t gebeure
Man wat hebbe weej mazzel, euveral zien weej beej
Kóm weej viere ’t laeve, kiëk ens heej
D’n daag dae haet hónderd kleure
Die schmienk ik op dien snoët
Idder lienke guuëf mich ’t besef
As ik de deur oët gaon geit ’t gebeure
Weit ik zeker det ik al mien vrinde tref
Weej hebbe allemaol zó’n schoën pallet
Ik dich……. dich en ik ein moëj portret
Zang: Ingrid Janssen,
Anita Coenders en Esther Janssen
Teks: Marij Gijsen
Muziëk: Ingrid Janssen
|
