Wiej ôzze Kueb det maedje zoog
En had gezeen wat dae schat droog
Begôs op-ens zien hert te slaon
En reep-e nog wiej hae nao bed is gegaon:
Refrein:2X
Waat ein ingelke, waat ein ingelke!
Wae wuurd d'r neet gek op zôn bingelke?
Met zônnen hertendeef
Dan veulse dich pas seef.
Ik had nog noeits ierder aan Amor gedach
En toch haet-e mich deeze schat gebrach!
Jao zôn ingelke, jao zôn bingelke
Mak mich op slaag verleef!
Ut droog ein rökske wies zien kneen.
Ut waas te schoën um aan te zeen
Dao ônderoët kwaam unne strook
en Kueb was kepôt van daen pettycoat!
Teks en Meziék: Frits Stamfort / Hannelore Roggeveen
Zang: Hannelore
Wae bringk mich nao hoës toe?
Wae wet wao ik woën?
Wae wilt mich de sleutel in det sleutelgaetje doon?
Wae bringk mich nao hoës toe?
Wae wet wao ik woën?
Wae wilt mich de sleutel in det sleutelgaetje doon
Vlgs. LP ’80: Huub Warmerdam
Zang op LP ‘80: Wiel Vestjens
Refrein:
Wae dörf der nog eine te gaeve,
wae guef der nog eine oet?
Dae zal ens wat belaeve
dae kös ik op zien snoet.
Laot um maar lanksaam kômme
en maak dich neet ôngerös.
Want iër ut glaas heej veur mich steit
heb ik dich allang gekös.
Want iër ut glaas heej veur mich steit
heb ik dich allang gekös.
Ik meug zoë gaer ens oëtgaon
det zit mich in ut blood.
Zoë lekker in de stumming
det duit mich toch zoë good.
Ik zit gaer aan de tapkas
met ein pilske veur den dors.
Maar geit ut mich te lanksaam
zing ik oet volle
En wuurd ut vastelaovend
dan bin ik van de wap.
Ik bin dan neet te halde
dan môt ik weer op stap
Zoë lekker pierewaaje
det vind ik toch zoë fijn.
Maar kump der niks te drinke
dan zing ik dit refrein.
Teks: Nol Peters. Muziëk: Giel Aerts.
Zang: Claar Hinsen.
1973 No: 1
Refrein:
Wae heej gebaore is geit neet verlaore.
Ôs dolce vita löp wie einen boemeltrein.
Det zeute laeve is.
Wao's dich ein deil van bis.
Ônder d'n hemel van gabbers ônderein.
Wae heej gebaore is.
Dae dreijt maar wie de wind um weijt.
Umdet `t sein van ôzzen trein op veilig steit.
Stap in dae bônten ônderein.
met alle boètebein.
En laot dich vare in dae vastelaovestrein.
Weej hebbe alles en genôg
In ôs eige paradies.
Wolke die krölle door de lôch.
Wie blauwe slingers tösse griës.
Weej hebbe kinder, zeej hebbe ôs.
Det is ge-orreve van begin.
Weej hebbe alles.
Wat de mins neet misse kin.
Dieke petatte op `t veld.
Auk de wortel en de pin.
Ein lekker deer wat dich vertelt.
Ik heb `t biëstig nao de zin.
Weej hebbe vrinde, zeej hebbe ôs.
Op dit bonte stökske grônd.
Weej hebbe alles en daobeej.
Weej zien gezônd.
Meziëk en teks: Jan Bax en Hannelore Winter.
Gezônge door: Resi Wolters en René Hutjens
Jaor 1998
Wae kint ós noow neet?
Refrein:
Wae kint ós noow neet
Weej zien hiel bizónder
Zinge ein vastelaovesleed
En doon veur nemes ónder
Weej zinge neet gans zuver
Maar och, det boeijt ós neet
Make waal ens eine schuver
Maar weite wao det aan leet
Weej zinge hard, weej zinge vals
Eine polka, eine mars of eine wals
Of geej ut hure wilt of neet
Weej zinge toch ‘t hoëgste leed
Koeplet:
Weej zien gen netuurtalente
Det wet toch idderein
Speule gen instrumente
Maar gaon wiej einen trein
Weej kinne ‘t neet laote
Gaeve alle klanke kleur
Det doon weej noëits met maote
Maar gaon d’r waal gans veur
Koeplet:
Weej zien gen gooj muzikante
Det is zach oëtgedrök
Weite toch waal van wante
Det is noow ós gelök
Weej laote ós neet kinne
Goeije alle remme los
Weej gaon óch noow verwinne
Dus geej ziet noow de klos
Zang:
Paul Lenders, Graat Peeters en Onno Vaessen
Teks en Muziëk: Paul Lenders en Ruud
Bettinger
Plaats 2
Jaor 2015
Wat 'nne mazzel
Ik staon heej weer veur de spegel
En kiëk mich zelf aan
Kriëg dae lach neet miër van mien gezich
Ik laef al jaorelangk naor ‘nne regel
Maak van idderen daag ’n magnifiek gedich
De wäörd die valle zoëmaar op de plek
Ik dich …. dich en ik det is te gek
Refrein:
Man wat hebbe weej mazzel, kiëk ens wat ’n gelök
Dit te meuge belaeve, dreej daag aan ein stök
Man wat hebbe weej mazzel, euveral zien weej beej
Kóm weej viere ’t laeve, kiëk ens heej
Pak was se pakke kins de zang…de lach…de kleure
Aope dien vastelaoveshert laot ‘t gebeure
Man wat hebbe weej mazzel, euveral zien weej beej
Kóm weej viere ’t laeve, kiëk ens heej
D’n daag dae haet hónderd kleure
Die schmienk ik op dien snoët
Idder lienke guuëf mich ’t besef
As ik de deur oët gaon geit ’t gebeure
Weit ik zeker det ik al mien vrinde tref
Weej hebbe allemaol zó’n schoën pallet
Ik dich……. dich en ik ein moëj portret
Zang: Ingrid Janssen, Anita
Coenders en Esther Janssen
Teks: Marij Gijsen
Muziëk: Ingrid Janssen
Plaats 4
Jaor 2015
Refrein:
In det beer, beer, beer,
Zit de geis van ut plezeer!
Daorum drinke weej zoë gaer ein glaeske beer.
In det beer, beer, beer,
Zit de geis van ut plezeer:
Daorum drinke weej zoë gaer ein glaeske beer!
Ik zoog in d'n optoch, det waas eine mop,
Ôs Worteletruujke; det stônd op de kop.
De hekse diej drônke eur beer oët d'n hood
en zônge: Waat duit ôs daen optoch toch good!
En in ein kefeeke zoot Pipo de Clown.
Dae drônk zich ein glaeske met Stiefbeen en Zoon
En Pluto d’n hônd, jao dae waas toch zoë blauw,
dae kôs neet mier blaffe en zag toen miauw!
Zang: Hannelore Winter-Roggeveen
Jaor: 1968, nr. 3
Refrein:
‘k Wil met dich wandele in ut maonleech langs de Majjum,
Erm in erm met dich det vreejerspaedje gaon.
En ut menke van de maon det lach ens stiekum.
‘t Kniep un uigske toe as weej ens bliëve staon.
Ik kös dich maedje, ‘k striëk dich ens leef door dien gezich
En zeg dich op det paedje, ik hald zoë vuul van dich.
In d’n optôch leep ut mei, zoë schoën verkleid as kloon.
Ik keek um nao wies aan d’n dreij, en wis toen wat te doon.
Ik bin um achter nao gegaon, maar ik heb um neet gevônde.
Mien kleunke zoog ik nörges staon, d’n optôch waas ôntbônde.
Ik had te lang gewach, had ik um maar gezag.
Nao d’n optôch wie det geit, drônk ik un glaeske beer.
De joekskepél makde leweit, maar ik had gen plezeer.
Mis-meu-jig keek ik veur mich oët, want ik waas zoë ôntevreeje.
Maar dao op ens zoog ik zien snoët, en wass mien leid geleeje.
Ik bin d’r haer gegaon, en goof um te verstaon.
Teks: Karel Gatzen.
Meziëk: Theo Heijnen.
Gezônge: Frank Donders.
Jaor 1999.
Refrein:
Waorum doon we det neet idderen daag
Waorum, waorum as ik vraoge maag
Ik zoël ut zoë gaer ens dökker wille doon
Lekker pierewaaije en op de zwabber gaon
Waorum doon we det neet. idderen daag
Waorum as ik ens vraoge maag.
D’r waas d’r ens eine, dae ging zoë gaer op paad
Zoot urges dan te toepe, maar kwaam dan laat thoës
Toet det zien vrouw det muug waas, hae kwaam d’r neet mier in
Maar det waas net waat hae gaer woel, noow had-e ziene zin.
Ik woel net gôn kösse, want ik had ‘n bietje sjans
Toen kwaam d’r eemus tösse en weg waas toen mien sjans
De vreejer van det maedje, haet mich d’r ein gedreijd
En zag det det allein met vastelaovend geit.
Tekst en meziëk: Nol. Peeters.
Zang: Nol Peeters
1965 nr 1
Refrein:
Wat ein gelök det ik dich trof heej in d'n hemel,
Ik heb van mien laeve neet zoë gebóf.
Want in d'n hemel, leven hemel,
Geluif mich maar, dao is 't tóf.
Dao kinse druime en met aope ouge luime,
Gelök is dao nog op de póf.
Kinse druime met de ouge aope luime,
Dao is gelök nog op de póf.
De hemelpaort stónd aope,
Kós zoë nao binne gaon.
Ik bin d'r door gekraope,
Zoëdet ik noow heej staon
Noow heb ik 't beslaote,
Wil noow neet miër allein.
Ik kós 't toch neet laote,
Weej huüre ech beejein.
Noow staan weej heej dan same,
Beejein vol laeveslös.
En kinne óch beame,
't laeve wuurt gekös
Wäörd:Frank van de Broek
Meziék: Jan Bax
Zang: Petro Janssen, Mark Janssen, Vic Suiker, Marius Suiker
Jaor 2004
Wae wet wao ut aan leet?
Wat zoël d'r met mich zien?
Dao-net had ik ut neet.
Duüzelt ut mich misschien?
Ut kwaam in-ens zoë aangeweid
Wao kwaam det toch van haer?
Ik zeen waal wat d'r komme geit
Maar noow trek ik van laer.
Refrein:
Det wat ik noow heb, had ik gister neet.
Allein maar joeks, zoë wie geej zeet.
Nae, ik wil neet euverdriëve.
Dit velt met gen pen te beschriëeve.
Want ik kin d'r gaar neet beej.
Beej wat ik veul einen daag of dreej.
Jao, wie me ut kiërt of dreijt:
Ut geit toch good zoë wie ut geit.
Ut wuurt mich noow al slech
As ik aan morge dink...
Dus gaon ik nog neet weg.
`k Dink det ik nog wat drink
Aswoensdaag kump dae kater.
Weit ik wie laat ut is.
Al wuurt ut noow auk later.
Ik weit det ik niks mis.
Zang: Vilma Houba, Suzanne van Bree, Michel Jeurissen en Lei van
Heijster.
Meziëk: en Teks: S. v Bree, R Bettinger, P. Lenders.
Jaor 1997
Refrein:
Maar wat kan ut gaeve.
Want de laefs maar eine kiër.
Moei um te belaeve.
En zoë gaon we dan maar wiër.
Laot ôs maar gewaere.
Want we blieve wie we zien;
Dreej daag gezange doon ôs verlange.
Nao nog ein bietje dit en dét.
Dreej daag gezange doon ôs verlange.
"t Is maar dét geej dét wet.
Miena det woel gaer dreej daag op stap.
Maar ik neem aan det geej det waal snap.
Met ziën schoën geverfde snoët.
Zoog dét kind d'r prachtig oët.
Miena det zoog toen daen hertedeef.
En toen woort het mich auk nog verleef.
Jao, wae wet waat dao van kump.
Waas dae knöl veur um bestump?
Miena det straolde gans van gelök.
Woel neet nao hoës, nog neet op de zök.
Jao daen aovend waas geslaag.
Laot maar gaon veur dees dreej daag.
Zang Anita Gaspersz en Theo Peulen.
Teks: Jo Janssen.
Meziëk: Wim Roeffen.
Jaor 1991
Wat kin ‘t gaeve, ´t is um ‘t aeve
Zoëlang ‘t fiëste nog besteit haes dich ein laeve
Mei kinse ‘t griëpe, mei mósse kniëpe
Wae vrinde haet dae kin zich klatse op zien vot
Geneet vandaag, doot mei met al wat zingk
Noow duchtig pierewaje , wae wet wat morge bringk
Wat kin ‘t gaeve, ouk dök d’r naeve
Mei geit ‘t links, mei geit ‘t rechs um in dien laeve
Ik bin d’n allerbeste
Man dich bis neet wiës
Mien slumheid kin se teste
Ik lach mich heej de miës
Alles wat’s dich kins, jao det kin toch iddere mins
Ik heb ‘t moeijste pekske
Jóng wat bis dich sjiek
Van vutjes wies ‘t nekske
Wat bis dich toch uniek
Huur dich noow ens heej, dich bis ech neet miër wie weej
Ik weit det ik hiel moeij bin
Jóng wat bis dich knap
’t Ganse ABC kin
Wat bis dich eine flap
Laot dae kwats maar zien, zoëvuuél eigendunk duit pien.
Zang: Vic Suiker, Marius Suiker, Mark Janssen en Petro Janssen
Teks: Frank van den Broek Meziëk: Hay Geritz
Jaor 2012 plaats 1.
Wat ‘t waere zal zeen ik dalik waal
D’n tiëd dae zal ‘t liëre
Of ik heej bliëf staon of det ik wiejer gaon
De vastelaovend zal ik viëre
Nae, ik maak mich noow neet drök
Det doon ik al vuuëls te dök
Ik geneet van noow en heej
Want ‘t is toch zoë veurbeej
Ik bin euveral en nörges
Det is toch bes waal knap
Want altiëd bin ik örges
Met dees dreej daag op stap en
Wie det kin det weit ik neet
‘t Geit zoë wie ‘t geit
‘t Mak niks oët wao det aan leet
‘t Is gewoën ‘n feit
Of ik bliëf of gaon verkasse
Ik kóm d’r bes waal oët
Ik gaon michzelf verrasse
Wat ik straks ouk besloët want
Wat ik doon bliek dalik waal
Det zeen ik dan waal weer
Wao ik auk staon is mich egaal
As ik mich ammezeer
Zang: Paul Lenders, Graat Peeters en Onno Vaessen
Teks en Muziëk: Paul Lenders en Ruud Bettinger
Jaor 2012 plaats 4.
Refrein:
Met de vastelaovend naor de wintersport.
Jo-de-la-di-tei, jo-de-la-di-teej.
Met de vastelaovend nao de wintersport
Weej gaon neet mei, weej blieve heej.
Al kriëge weej zô'n reis veur nop of as geschink.
Gen haor op ôzze kop die euver zoëwat dink.
Met de vastelaovend nao de wintersport.
Jo-de-la-di-tien, nog neet messcgien!
Vastelaovend wuurd almaar minder.
Zoë stônd d'r in de krant.
Vuul minse die gaon met de kinder.
Dees dreej daag naor ut boèteland.
Maar weej , weej doon dao neet aan mei.
Weej vinde heej in Bliërick ôzze dreij!
Jao, zeej gaon maar as zeej det wille.
Zee doon maar wat zeej doon.
Dao kinne weej neet zwaor aan tille.
Weej gaon auk, maar in de kloon zien schoon.
Dreej daag zien weej ônderwaeg.
Weej make ôzze accu dan gans leeg.
Meziëk en teks: Paul Lenders en Ruud Bettinger.
Gezônge door: Mirjam Alders en Bernie Billekens
Jaor 1998.
D'n optoch trek zich langer want we loupe minder vlot
Weej middelbare manne zien nao einen dreij kepot
Vruger leep det baeter, toen ging alles gewoën vanzelf
Maar noow kos 't nog meuite um te telle wies de elf
't Liëre van de liedjes haet nog noëit zoë lang gedeurd
We rake van de wies beej 't ónthalde van de wäörd
Vruger leep det baeter, toen ging alles gewoën vanzelf
Maar as weej noow wies elf telle haole we de helf
Weej waere ald
En alder idder jaor
Met idd're vastelaovend weer 'n bietje minder haor
Wat minder lange nachte en wat minder lange daag
En minder rundjes wachte op 'n stökske in de kraag
Weej waere ald
En alder idder jaor
Met idd're vastelaovend weer 'n bietje minder haor
't Geit anders noow as vruger wie alles nog gewoën kós
Al kin d'r dan wat minder:
weej, hebbe ós
Verkeke zien ós kanse, gen interesse in ós mier
We misse beej 't sjanse de souplesse van waalier
Vruger leep det baeter toen ging alles gewoën vanzelf
Maar noow kos 't nog meuite um te telle wies de elf
't Danse beej 't zinge waas toch oëit ós kapitaal
Maar as weej noow gaon springe piep en kraak 't door de zaal
Vruger leep det baeter, toen ging alles nog vanzelf
Toen telde weej van ein nog zónder stoppe wies de elf
Zang:
Vic Suiker, Marius Suiker, Mark Janssen
en Petro Janssen
Teks en Muziëk: Frans Pollux
Jaor 2011 Plaats 3.
Altiëd as ik vastelaovend vier
En det doon ik al jaore
Dan veult 't óngelaoge idd're kier
Asof ik jónger bin gewaore
As geej mich dan zoë bezig zeet
Gluif geej óg ouge neet
Wie alder, wie jónger
Det merk ik idder jaor
Wie alder, wie jónger
Jao met of zónder haor
Want door det pilske en zó'n liedje
Bin ik weer twintig en ein bietje
Dan geit 't weer van yes, en bin ik blaag
Och luuj, det kin ik bes..... dreej daag
Ome Toën dae haet ein ald gezich
Dao kós dae euver miere
Ein good recept, det kreeg dae toen van mich:
"Gank toch ens vastelaovend viere!"
Noow is-se gruuëts op ziene kop
Zelfs schmienk hoof d'r neet op
Hebs-se ouk d'n derde daag geplök
En dich tevuuël gegaeve
De kins met alde knäök en piene rök
Vanaaf aswoensdaag röstig laeve
As dich d'r aevel maar weer bis
As 't Sintermerte is
zang: Piet welles, Onno Vaessen Plaats 3-2005
teks: Piet Welles meziek Wim Janssen
Veur jaore truuk trof ik de waore
Ik dach det is ’t gans veur mich
Maar juus wie ik mich woel verklaore,
Zag het metein: “Ik ouk van dich!”
Refrein:
Wie wet het det? Wie wet het det?
Dao heb ik gaar niks van gezag.
Wie wet het det? Wie wet het det?
Det heb ik zelf pas net bedach.
Jao miene leve is dreej maol zeve.
Of steit ’t op miene kop geschreve?
Det geit mich ech baove mien pet.
Wie wet het det? Wie wet het det?
Det kind haet alles in de gater.
Wil ik soms op de lappe gaon.
Veur ik zeg: weej gaon op de klater,
Haet het de jas al aangedaon.
Wie slum det is, zal ik óch zegge.
Kóm ik laat thoës beej miene schat.
Wet det mich haorfiën oët te legge.
Wievuuël det ik d’r heb gehad.
Teks en meziek: Peter Jansen en Wim Janssen
Gezonge door: Peter Jansen en Wim Janssen
Jaor 2003 Plaats 1
Refrein:
Jông, ut kin mich niks verschaele.
Dien gevraog sleit nörges op.
Dich met dien: Wiej zoel ut zien?
Det gezanik duit mien oëre pien.
Jông, dink dich toch zellef ens nao.
Wiej ut dan zoel zien.
Waat mak mich kermis, gaas of bief.
As de vastelaovend maar blief!
Wiej zoel ut zien, as t'r genne kermis waas?
Wiej zoel ut zien, zônder water in de Maas?
Wiej zoel ut zien, zônder stroum of zônder gaas?...
Zoë zou-wel-te aan miene kop.
Dan roop ik: Hald toch ens op.
Want....
Wiej zoel ut zien, as t'r genne pudding waas?
Wiej zoel ut zien, zônder biefstök-van-de-haas?
Wiej zoel ut zien, zônder knech of zônder baas?
Zoë zou-wel-te aan miene kop.
Dan roop ik: Hald toch ens op.
Want.....
Teks: Gerrit Gommans. Meziëk: Wim Maas.
Zang: Claar boots-Hinssen.
1978 No: 3
Wat is dao aan de hand.. wae steit dao aan de kant?
Daen erme jóng is oët ‘t veld geslage
‘t Löp neet wie ’t geit.. och minse wat ‘n leid
Hae had nog wille prónke met dae blómewage:
Kiele wiele Wielke haet ’n raedje los
Nów mótte weej dae wage douwe
Hae is in d’n optoch door ’t lint gecross
Nów leet hae op die kis te houwe
Dae kielewiets... dae is de klos
Zien blóme waere gammel van d’n dors!
Kint geej nog höffe... dan höf ens op
Dan helpe weej dae Wiel... dae kielewiele Wiel
Dan helpe weej dae Wiel d’r baovenop!
Dae dreit ós heej nog door.. ein 7-steinse moor
Die roëzeknuupkes gaon um dalik wandele
Dan geit dae oët zien daak.. dan is ’t maar de zaak
Det die zich neet verloupe in die erm van andere:
Zang: Hans Aerts, Peter Wilders en Willy Billekens
Teks: Laurence Winter Meziëk: Hannelore Winter
Jaor 2012 plaats 2.
Refrein:
Zoot ôs waterleiding ens vol wien.
Minsekinder, det zoel lekker zien.
Idderein op aerd dao kinste op aan
Hông van 's morges vruug
wies 's aoves aan de kraan.
Sjengske waas op stap gewaes
's Nachs wies hallef veer,
Had zich good geammuseerd
Had toch zôn plezeer
Maar 'smorges hiel vruüg
Reep Sjengkske hiel muüg
ik bin zoë oetgedruëg….
:
Pietje haet toch zôn verdreet:
Mieke makden ut oët.
Nörges vindt ôs Pietje truues
Kin d’r neet euver oët.
Hae haet zôn verdreet,
vergit Mieke neet
en zingk maar steeds dit leed:
Wäörd: Giel Geurts
Meziék: Giel Geurts
Zang: Giel Geurts
Zang op LP ’80: Petra Houben
Jaor 1963?, nr. 4?
Petatte die kômme oet Tegele van Nel.
Veur lauk trekke weej aan de Poerker zien bel.
De wortele kômme beej ôs oet de koel.
Dat alles det haet maar ein doel.
Refrein:
Dan kriege we wortelestamp met wors.
Met ein pilske veur d'n dors.
Gaon pierewaaje, ôs flink begaaje.
En dan krieg `t groëte gros.
Nao `t springe en gehos.
Özze eige gooje vastelaoveskos.
Wat pas d'r zoë good beej d'n alcoholdamp.
Det is ôzze Bliërickse wortelestamp.
De wortele, lauk en petatte doorein.
Det knaeje we allemaol klein.
En wuurd dan ôs Worteletruuj weer verbrand.
Wat weej daobeej aete det leet veur de hand.
Dao steit op de kaart "vastelaovesmenue"
Gekaok door ôs Worteletruuj.
Prissentasie Elly van Rijn.
Jaor 1986
Wortelestamp Wortelestamp
Van telder wies kelder
Hingk gans de hut weer vol met damp van
Wortelestamp Wortelestamp
Petatte die spatte
De kaetel oët wies aan de lamp, d'r is
Wortelestamp Wortelestamp
Aet en vergaet de kramp
D'r is wort'lestamp
Weej Hove gen boere-moos [met wors nae]
Weej Löste genn vis [of bótter]
Weej Gaon 's richtig dreej daag loos
Pas as d'r Bliëricks bikke is
Wat ruuk ik?
Heej Kriëgs-se gënne roeje koël [met wors nae]
Heej Genne vraemde dis [met sperjes]
Heej Löp ós water in de moel
Pas as d'n bik oet Bliërick is
Wat ruuk ik?
Wortels zien op zich neet slech
Petatte zien oké
Maar wort'lestamp dae smak pas ech
Met 'n good glaas beer d'r beej
zang; Vic en Marius Suiker, Mark en Petro Janssen Plaats 2-2005
teks en meziëk; Frans Pollux
Refrein:
Ai ai ai ai, det is de worteltruuje samba.
Ai ai ai ahai, daoveur zien weej heej.
Ai ai ai ai, idder truuj die rup caramba.
Ai ai ai ahai, en daonao olé.
In Bliërick wet haos idder truuj van wante.
Me haet ut nieje ritme al gelierd.
En wie det geit det is noow net ut kwante.
Det duit heej haos neemus verkiërd.
Auk Nel det woel zoë gaer de samba danse.
Want daoveur veulde het zich jônk genôg.
En efkes later dach ut "heej det kanse"
En vlaoge zien bein in de lôch.
Merie det kôs de samba neet bekaore.
Det zoot zoë gaer beej Kubus op de kneen.
Maar nao ein tiedje waas auk het verlaore.
Toen had ze ze ens môtte zeen.
Zang: Resi Wolters en Hay Smeets.
Teks en Meziëk: Wim Roeffen.
Jaor 1988.
Refrein:
Nôndedjuuka, Worteltruujka, mien Schatja!
Waorum kins dich gen Wolga-maedje zien?
Met Anoesjka of Petroeska of Katja.
Had ik noow neet daen deepe hertepien.
Want ik môt dich gaon verlaote.
Truuk nao `t Roëje Plein.
Kin dan neet miër met dich praote.
Bin potdomski gans allein.
Nôndedjuuka, Worteltruujka.
Bin potdomski gans allein.
Iwan Wortelpinski kwaam oët Moskou op bezeuk.
Veur ein weiteschappelik vastelaovesônderzeuk.
Wie hae ônderzôch had wat persies ein Truujke waas.
Hoorste zien Kozakke-stum waerklinke aan de Maas:
Iwan Wortelpinski völt in Moskou dieke beuk.
Met resultate van zien Bliëricks ônderzeuk.
Haet hae vreej, dan zit hae beej de Wolga in ut graas;
Zuut dan in gedachte waer zien Truujka aan de Maas.
Tekst, meziëk en zang: Frans Driessen.
Jaor 1982
Refrein:
Zek mich ens, zek mich ens
Wet wilste dao aan doon
Ik kôs toch neet det maedje laote staon
Wetste waal, wetste waal
Mien härt det ging van slaag
En det gebeurt neet idd’ren daag
Och wet ‘n pop. wet eine schat
Zoëwet heij ik nog noëjts gehad
Zek mich ens, zek mich ens
Wet wilste dao aan doon
Ik kôs diëj bloom neet laote staon.
Ut waar met karneval
Op pellerinkesbal
Nao einen dans, heij ik al sjans
Ze Iachde ens noa mich
Ze heij ‘n leef gezich
En zeej: “Ik bliëf zoë gaer beej dich.
Mien mam heij mich gezaq
Kôm neet te laat vannach
Och wet ‘n waer, wao meus det haer
Want veur det ik ut wis
Heij ik d’n tiëd gemis
Och ja, ge wet waal wiëj det is!
Teks en meziëk: Jan van Erp en Paul Fassotte
Zang: Nol Peters
1966 Nr. 1
Zet
dien maske aaf
Refrein:
Zet dien maske aaf, en Laot dich noow ens zeen
Speul efkes gen toniël miër, veur nemes op de kneen
Zet dien maske aaf en toën dien waor gezich
Noow efkes gen geeimer, veur dich en mich
Kroep oët dien schölp en toën dien waore ik
Laot zeen zoë wies se bis, dan haes se dreej daag dieke
mik
Zet dien maske aaf, dae lach weer op dien toët
Dan trek se nao die grekers, ein lange snoet
Gans 't jaor löp alles wie gesmeerd
Gedrage door dae sleur, hebs dich ein maske veur
Noow steit vastelaovend veur de deur
Dan zaes se doei, ik gaef die daag weer kleur
Alles geit neet altiëd wies se wils
Dan wuurt d'r weer geklaag, dich haes zoë van die daag
Kiëk dan vastelaovend um d'n hook
Dan duis se mei, en rupse met bedraag
Mei dan geit 't neet wie det 't mót
En lök 't neet zoë ziër, wets dich 't ef neet miër
Vastelaovend kin dao wat aan doon
Noow laot dich gaon, en kap met dien gemiër
Zang: Vic & Marius
Suiker Petro & Mark Janssen
Teks en muziëk: Frank
van den Broek en Hay Geritz
Plaats 4 Jaor 2009
Refrein:
Waorum bis tich zoe deur?
Wat baatte mich det potte.
Wao deent det nôw toch veur?
Ik heb neet miër klemotte
Wao môt det nôw toch haer?
Hebs dich neet in de gate:
Ik trek neet miër van laer;
Ik heb neet zoevuul plate....
Man:
Gaon weej zoë same weer ens oët
Gaef ik ein rundje veur de boët.
Vrouw:
Dan steit det mich toch gaar neet aan
Ik dink: Wao kump die poen vandaan?..
Vrouw:
Staon ik zoë veur dae kleierkas
Dan zeen ik det mich niks miër pas.
Man:
Det gans kemoot det hink toch vol
met mini-maxi-babydoll?
Teks : Jo Linssen Meziëk: Jo Hofman
Zang: Tiny en Jo Hofman
Jaor: 1971, nr. 2
Zoë mót 't waere
Zoë mót 't zien
Nog baeter dan dae vastelaovend aan de Rien
Zoë mót 't waere... wie hae altiëd al waas
Heej in Bliërick aan ós eige moder Maas
Wae joeksig is viert vastelaovend
In Rio in Kölle of heej
In iddere plaats vuuëlbelaovend
De beste det wetse zien weej
Kins-se det geveul
Dan kóm ens oët die steul
Zoëlang ik mich heej nog kin ute
Gewoënwaeg mich zelf kin zien
Blief ik euver alles heej stute
Toch kwant um zoë joeksig te zien
Kins-se det geveul
Dan kom ens oët die steul
Heej bis-se al wiët van teveure
Veur alles wat kump in de waer
Dit groëts en geweldig gebeure
Vastelaovend det viere weej gaer
Kins-se det geveul
Dan kom ens oët die steul
Zang: Mai Anröchte Plaats 5-2005
Refrein:
Wat bin ik toch muug ik veul haos gen bein.
Ik môt nao hoës. de eurkes zien klein.
Ik weit nog zoë good wao ik waas.
Ik stônd met de veut in de Maas
Ik waas op 't plein ik waas op de laan.
Beej ôs in de buurt dao kreide den haan.
Ik bin toch zoë muug in de bein,
maar wat guf 't ik bin 't neet allein.
Wanniër ik op stap bin dan geit 't,
dök laat opden aovend neet miër.
Ik huur ôch al zegge ik weit 't,
det had ik lets auk eine kiër.
Lets had ik ein ome en tante,
ôs Bliërickse hert laote zeen.
Zeej wiste al hiël gauw van wante,
weej ginge nao hoes op de kneen.
Teks: Hay Verberkt. Meziek: Jo Hofman.
Zang: Hay Crompvoets.
1976 no: 1
Zoë wie ik bin
Refrein:
Kom neem mich zoë wie ik bin
Al heb ik nappes op de vim
Dich bis die ster aan mienen hemel
Kóm neem mich zoë wie ik bin
Wies ‘t zunke lache kin
Dreije weej door, en gaon veur idder oor
Koeplet:
Doëzende ore die heb ik geteld
Noow is ‘t ech weer zoë wiëd
Staon heej met dich noow weer joeksig te zien
Verleef en vergaete d’n tiëd
Koeplet:
Doëzende minse staon weer aan de straot
Kiëke de ouge weer oët
Zeen wie d’n optoch veurbeej trek aan eur
Ik zeen allein maar dien snoët
Koeplet:
Kiëk wie ‘t mäönke ein uigske dich kniep
Straolend kiëk hae op ós naer
Doëzende sterre die kinne daen blik
Zegge die hebbe zich gaer
Zang:
Roy van den Broek en Ingrid Janssen
Teks: Frank van den Broek
Muziëk: Hay Geritz
Plaats 3
Jaor 2015
Wae hilt d'r heej de kletskook beej?
Wae haet 't al gehuuërd?
Van de 100 aaf...is't waor?
Heej kump 't präötje van 't jaar.
Refrein:
Zoëlang we laeve...haole weej de 101.
As weej ós gaeve.. .en we halden-'t zoë fijn.
Zoëlang we straole.. .op 't paedje van gelök.
Met álle leefde...wies ózze letste plök.
Wie alder én wie gekker kén,
De wind in ózze rök.
As de wage kraak.. .douw maar door,
We laeve langer met 't oor.
Wae noow geheid zoë wièjergeit,
Dae haet ein pluum verdeend.
Zeg maar petje aaf en sjapó,
Dae krieg de hoëge hood kedó.
Zoëlang we laeve...haole weej de 101.
As weej ós gaeve...en we halden-'t zoë fijn.
Zoëlang we straole.. .op 't paedje van gelök.
Met álle leefde...wies ózze letste plök.
As weej det haole...wies 101..2...3...
Zoëlang we straole...zien weej nog hiël...lang heej
Wäörd: Hannelore Winter Meziék: Jan Bax
Zang: Mendy Sneijers, Resy Wolters, Henk Sneijers, René Hut jens
Jaor 2004
Refrein:
Zônder alles in de waereld kôs ik laeve.
Allein neet zônder dich, det deej mich vuels te piën.
Ik zoel alles wat ik heb waal wille gaeve.
As ik dan laeveslang beej dich zoël meuge zien.
Zônder dich waas d'r van mien laeve niks gewaore.
Zônder dich waas zelfs idderen daag veur mich verlaore.
Ik zoël alles wat ik heb waal wille gaeve.
As ik dan laeveslang beej dich zoel meuge laeve.
As ik ens neet weit wao's dich haer bis gegaon.
Veul ik altiëd weer pien aan mien hert.
De boens en det juëg of ut liek stil te staon.
Det is allemaol leefdes-smert.
Dich gings ens op reis veur wat langere tiéd.
En ik waas metein gans van slaag.
Want wao's dich auk haer geis: ut is mich te wiéd.
En te lang deurt mich idd'ren daag.
As Wortelepinne doon weej altiéd gaer
Met de dreej vastelaovesdaag mei.
Dan joetse weej zônder te weite waohaer.
En huur-se beej idd'ren dreij:
Zang: Petre Houben en Han Spaay.
Teks Frans Driessen Meziëk: Wim Roeffen.
Jaor 1992
Nae, zónder dich kin ik neet
Vraog mien hert wao det aan leet
Waas al jaorelang op zeuk naor wat gelök
Zónder dich wil ik neet
Weit hiel good wao det aan leet
Blief beej mich, weit ik zeker det 't lök
Dich bis wat ik altiëd heb gezóch
Plok veur dich de wölkskes oët de lóch
Weit nog good wie ik toen veur dich veel
Ik veel veur dich met gans mien hert en zeel
As dich beej mich bis veul ik mich good
Weit nog wie det waas en wie det zoot
Veul ik noow dien erm weer urn mich haer
Ik weit toch wie det veult, det heb ik gaer
Fijn waas toch daen tied met dich allein
Same hand in hand det veulde fijn
Zeg mich is daen tied noow ech veurbeej
Of staon weej volgend jaor weer same heej
Vastelaovend viere
Duis se neet allein
Weit det ik van dit moment geneet
Door de straote zwiere
Same op 't plein
Zónder dich det kin en wil ik neet
Zang: Vic Suiker, Marius Suiker, Mark Janssen, Petro Janssen
Teks: Frank van den Broek
Muziëk: Hay Geritz
Jaor 2010
Plaats 2
|
