Refrein:
Och barbierke, ôch barbierke.
Maak van mich weer ens ein hiërke.
Kiëk ens wie ik bin gewaore.
Zônder krölke op mien bölke.
Veul ik mich net wie ein knölke.
Det met kôlse haet verlaore.
Dao baat gen zelfke en gen tabletje
Op miene kiëbes dao môt ein toepetje.
Och barbierke neem mich noow maar gauw de maot.
Dan waog ik mich wie ein hiërke weer op straot.
Ome Joep dae haet ein plaat.
Och waat, och waat, och waat.
En âs ut majump wuurd die naat.
Jao naat, kletsnaat, och waat.
En op unnen daag, stônd ome Joep.
Beej ut barbiërke op de stoep.
Asse noow ens danse geit.
`n Leid, `n leid, `n leid.
En dan te vlot ziën welke dreit.
Hae dreit, hae zweit, hae geit.
En net wie hae veult, is ut te laat.
En dan haet hae weer ein plaat.
Zang: Hay en Paul Peeters.
Teks: Wiel Aerts.
Meziëk: Wim Roeffen.
Jaor 1981.
Refrein:
Jao miën Oma, oët Oklahoma.
Die zet gand Bliërick op de kop.
Zeej kwaam met Opa, nao Wes-Europa.
Op unnen hippen hiep, hop hop.
Met de fles op de tes, joech-hei.
Trek zeej dan op det paerd in dun optoch mei....
Jao mien Oma, oët Oklahoma.
Die kwaam met Opa nao Europa.
Joedeleedie joedeleedie joedeleedie jippie jippie jee!
Joedeleedie joedeleedie joedeleedie jippie jippie jee!.
Miene pap kwaam oët Amerika;
Met ein schoefel en ein herk.
En hae woel neet truuk nao de OE-ES-AA;
De gemeinte goof um werk!
Noow geit beej ôs d'n tillefoon....
Zaet ôs Oma; `Ai kwoow where jullie woon...!
Miene Pap kwaam oët Amerika;
ut geit um heej hiël good!
En hae woel neet truuk nao de OE-ES-AA.
Met zien cowboy-hood
Noow geit beej ôs d'n tillefoon....
Zaet ôs Oma; "Ai-am `n gare boon....!
Zang: Ingrid Scheepers, Marli Boeve en Backing vocals.
Teks: Gerrit Gommans.
Meziëk: Jo Hofman.
Jaor 1990
Ôngeluifelik, wat ein wônder.
Ôngeluifelik, dit guuf ut neet.
Ôngeluifelik, dit is bizônder.
Weej weite neet wao dit aan leet.
Zoë geit dit nôw al jaore.
Maar wae wet wie of ut zit.
Weej kinne ‘t neet verklaore.
en daorum zinge weej dit.
Refrein:
Wao hebbe weej dit aan te danke.
Wao hebbe weej dit aan verdeend.
Met al die vastelaovesklanke.
Waere weej op ôs winke bedeend.
Det weej dit meuge belaeve.
Wat verschaf ôs toch dees iër.
Det dit ôs is gegaeve.
Jao, wat wille weej nog miër.
Ôngeluifelik, wat ein kleure.
Ôngeluifelik, al dae meziëk.
Ôngeluifelik, wat ein gebeure.
Weej weite neet wao dit op liek.
Weej zeen ze dreej daag vlege.
want d’r hingk wat in de lôch.
Weej hebbe de geis gekrege,
en daorum vraoge weej ôg.
Teks: en Meziek: Paul Lenders/Ruud Bettinger.
Gezônge: Leu van Heyster/Michel Jeurissen.
Jaor: 1999.
Refrein:
Met de vastelaovend....
Slaon weej dreej daag lang op hol, zeker weite det,
Met de vastelaovend.....
Gaon weej duchtig oët d'n bol, veurluipig neet nao bed.
Löp de dieke trôm veurop...
Geit de hiele koedeljach jao in galop.
Wies aswoensdaag drave weej dan biëstig door.
Vastelaovend is veur ôs.... ut snuupke van ut jaor.
Gén triepelbaar is ôs te hoëg.
Gén koel is ôs te deep.
Dao springe weej waal euverhaer.
Of ge'ut gluive wilt of neet.
Want vastelaovend is veur ôs.
Wie jumping op ein paerd.
Dreej daag lang hebben weej dan.
De bein en kael gesmaerd.
Weej trappe vol ôngeduld.
En aete huij en graas.
Hinneke wie unn aolifant.
Dae geplas haet in de Maas.
Weej ziën neet miër te halde.
En gaon haos van de bein.
Daorum zinge weej in koër.
Opniej dit paerdsrefrein.....
Zang: De jônges van Hard en Vals.
Teks: Paul Lenders en Leonard Titelaer.
Meziëk: Hay Wilders en Henk Luneberg.
Jaor 1990.
Refrein:
Opzié, opzié, laot mich veurbeej.
Kôm anders nog te laat.
Ze halde dao mien plaetske vreej.
Straks velt d'r nog ein gaat.
Nae, hald mich nao neet langer heej.
Ik doon allein mien plich.
Want zônder mich, ik zeg ut dich) 2x
Det is toch gén gezich)2x.
D'n optoch trek, Sjeng op zien plek.
Dao leep hae al as kind.
Met in de hand, dan hiël parmant.
Altiéd ut bördje "Ind"
Maar veurig jaor stônd Sjeng neet klaor.
Ut leep haos oét de hand.
Dao, net op tiéd , klônk al van wiéd:
"Kôm gank ens aan de kant!"
In ôs kefee kôs neemus beej.
U zoot dao stampend vol.
Maar Fien zag: "Kôm doot neet zoë stôm
En doot mich ens ein lol
Maak aop die deur, laot mich nao veur
De kaarkklup wach op mich.
Ut beer verschaalt, maar is betaald.
Ik maak mich smaal veur dich!"
Prissentasie: Elly van Rijn en Els Basten.
Jaor 1986
Refrein:
Non de pie Merie
Kiëk dao kump ôs Hermenie.
Huurste ze kômme, huurste de trômme.
Non de pie Merie.
Kiëk dao kump ôs Hermenie.
Jao wat die blaoze, jao wat die kraoze.....
Merieke kôm noow toch nao boëte.
't Is weer blaoze en weer toëte.....
Non de pie Merie.
Kiëk dao kump ôs Hermenie.
Ôs Hermenie.... diej guuf partie.
Zoëe huurste niks, maar dan opens.
Wuurt dreej kier op, det vel gejens.
Dan wuurt geblaoze dan wuurt geträö.
Dan zinge weej met heise sträöt....
Bliërick zoë bliëj, jao Bliërick zoë riëk.
ziën Hermenie en ziën meziëk.
Met vastelaovend op den hippen toer.
Dan zinge weej met eur in koër......
Teks: Jo Linssen. Meziëk: Jo Hofman.
Zang: Jo Hofman.
1973 No: 4
Refrein:
Oma, Oma, trek ôch nôw det reete rökske oët.
Oma, Oma, det kint ge toch neet doon det zuut neet oët.
Got geej dao nôw maar danse in ôch aldewieverskleid.
Geej zeet toch waal det ôch det reete rökske neet miër steit.
Oma, Oma, trek ôch nôw det reete rökske oët.
Waat weej ôch zegge det gebeurde heej in Bliërick, jao det
is ierlik.
D'r kwame in ôs Bliërick ein paar nieje, ônder de Wieën.
Die herrie in de Staaij kin Oma huure.
Ze dink waat zien det heej nôw toch veur buure.
Dan zuutse Leike van de Smeet, en duit ein rökske aan van
reet.
Oma die helt hiel vuul van danse,
En duit op eure laeftiëd nog gaer sjanse.
Zeej haet auk nog aangeplekde vlimme.
en eur figuur det heelt ze beej met trimme.
Zeej zuut d'r oët, det klink as ein klökske.
as zeej dao zwaait en piert in eur rökske.
En as Oma weer ens geit, huurse opens groët leweit.
Teks: Ben Verdellen. Meziëk: Sef Gubbels.
Zang: Claar Boots-Hinsen en Ben Verdellen.
1979 No: 2
Refrein:
Met vastelaovend is ôs Bleriëck wie ein paradiës.
In dezen tiëd verdeent ôs Bleriëck diek d'n iërste
priës.
Heej weite minse wiej ut huurt.
Fiëste met träöters in de buurt.
Weej gaon heej door, wies-det d'n tap geslaote wuurd.
Ut is ein gegaeve, de kins heej good laeve.
In dezen tiëd.
Want det is iërlik, zoë bis-se in Bleriëck.
Dien zörg gauw kwiët.
Heej zit ik op un gooj' wei.
Iddere mins duit heej mei.
Gluif mich Bleriëck, beej dich vind ik miene dreij.
Ut is wie ein wônder, de bis hiël biezônder.
Det grièp mich aan.
Mich amuzere, door Bleriëck flanere.
Steit in mien vaan.
Idder jaor is ut ein feit.
Det ut heej kump wie ut geit.
Ut is veurbeej as Worteletruuj te börre steit.
Zang: Quin Warmerdam.
Teks: Quin Warmerdam en Jos Buskes.
Meziëk: Quin Warmerdam.
Jaor 1995.
Refrein:
En ozze Pap en ozze Pap dae zuut ze fiete,
zuut ze fiete, lekker fiete.
En ozze Pap en ozze Pap dae zuut ze fiete.
Maar waat duit dae man toch maf!
Dae gekke gek, rek ziene nek.
Waat ein weer, det duite gaer.
Jao waat ein weer, det duite gaer.
Dan haet-te mier plezeer van al det beer!
Mam kôm noow toch ens kiëke
Ozze Pap dae duit zoë raar.
Dae haet de razzeldazzel,
dae kaerel is neet gaar!
Mam kôm ens nao de keuke
d’r is waat aan de hand.
Waat geej dao kint bekiëke
geit baove ôch verstand!
Wäörd: Gerrit Gommans Meziék: J. Verberne
Zang: Nol Peters
Jaor: 1969, nr.3
Wae haet ózze Sjaak gezeen,
Hae ging net beer bestelle.
Wae haet ózze Sjaak gezeen,
En wae kin ós vertelle.
Wao is-se haer, wao is-se haer?
Hae haet de bónne en 't beer.
Wao is ózze Sjaak noow weer,
Det wiste weej zoë gaer.
As Sjaak weer beer geit haole
Dan nimp hae alien tiëd
Dae jong wilt zien verhaole
Aan alle minse kwie't
Hae moelt met dae, hae moëlt met det
Maar kump neet doenderbeej
Zoe bringk hae ós gen pilske met
En daorum rope weej
As Sjaak beer haet gekrege
Dan deurt 't weer ein oor
Veur ós zal hae neet vlege
Zoë kump det beer neet door
Hae steit ens heej, hae steit ens dao
En mak dan einen toër
Weej loupe um neet achternao
Dus zinge weej in koër
Zang: Bernie Billekens, Thea van Rensen, Carolien
Muller,
Michel Jeurissen, Lei van Heyster, Paul Lenders Plaats
6-2005
Ik bin as vrouw gebaore
dao kin ik niks aan doon
maar pap koch van te veure al
veur mich de voetbalschoon
en toen ik veur d’n daag kwaam
toen reep dae gans perpleks:
dao zit ik met mien voetbalschoon
dich leeve kleine heks
Refrein:
Kiendje van ut laeve
kiendje van de gein
neet van beej ôs naeve
maar van ôs allein
môpke van dien vader
snuutje van dien mam
pap verzörg de bôtter
en dien mam de bôtterham, jao
pap verzörg de bôtter
en dien mam de bôtterham
Ik woort al flot ein dame
kompleet met mini-rok
en pap dae keek as ik ging danse
angstig op de klok
toen bin ik dan gaon trouwe
toen kwaam d’r ênne zoon
en pap dae kwaam toen van de zölder
met diëj voetbalschoon....
Teks: Hannelore Winter Meziëk: Fientje Hovens- van Zelst
Zang: Hannelore Winter
1974, nr. 2
Refrein:
Al bisse ein pies pies pies ein piesewietje
De bis miene sies sies sies en neet zôn bietje
Ik vind dich zoe leef
De bis miene hertendeef
Al bisse ein pies pies pies ein piesewietje
De ganse buurt leet euver dich te praote
Wiej zoel det toch kômme
Laot ze det laote
Deste hiel erg flauw bis jao
det kump toch wie me zaet……
Umdet dienen dokter dich ut zalt verbaoje haet……
En idderein zit euver dich te kletse.
Det kan mich niks schaele,
jao sies det wetse.
Des-se oët de huuegte duis
dao kinse niks aan doon:
de hebs van die hiele hoëge hakke ônder de schoon!
Zang: De Maaszengers
Jaor: 1970, nr. 2
Refrein:
Ik zeen dich nog ut leefste met de pinkes in de haor,
iërlik waor, iërlik waor, met de pinkes in de haor!
Dich bis d’n allerleefste met de pinkes in de haor,
iërlik waor, met de pinkes in de haor!
De hoefs veur mich gèn ore veur ut speegel,
zoë wiesse bis, zoë zeen ik dich vuul lever.
Ik zeen dich nog ut leefste met de pinkes in de haor,
iërlik waor, met de pinkes in de haor!
Noow luuster ens naor mich:
ik hald zoëvuul van dich!
Maar maak ut noow Merie.
Ik hoof gèn schilderie.
Noow luuster ens naor mich:
ik hald zoëvuul van dich!
Maar laot toch al det grei van dien gezich!
Noow luuster waat ik zeg:
Ik hald allein van ech!
Ik wil allein maar puur,
ik hald van de natuur.
Noow luuster waat ik zeg:
ik hald allein van ech!
Doot al dae griedeldiedel maar eweg!
Wäörd: Ad. Pollux Meziék: Fr. Wetjens
Zang: Wiel Vestjens
Jaor: 1968, nr. 1
Refrein:
Pimpel-pimpelpolka.
Tösse de buim en de blumkes door.
Pimpel-pimpelpolka.
Euver ut graas wies aan de moor.
Pimpele geit haos neet allein.
Pimpel en polka det huur beejein.
Pimpel-pimpelpolka.
Dae löp wie einen trein.
Beej ôs in d'n haof woënt ein pimpelmees.
Die haet van zien laeve nog noëts gepees!
Zien wiefke det haet aevel noëts geklaag.
Ze danse en pimpele d'n gansen daag.
En al ut geveugelte oët de buurt.
Det kump as gedans en gepimpeld wuurd.
De flötse, de spraone, de ooievaars.
Die waere dao blauw van en pimpelpaars.
Beej ôs wuurt gespiens door ut glaasgordiën!
Dan kômme de glaeskes met beer en wiën.
En waere weej werm van det lekker grei.
Dan danse weej boëte de polka mei....
Zang: Resi Wolters en Hay Wilders.
Teks Frans Driessen,
Meziëk: Wiel Vervoort.
Jaor 1992
Weej blaoze wie bekint
Van veur wies achteraan
Zien weej dan op ‘t ind
Begint ‘t weer veuraan
Ós klanke klinke good
Weej make ‘t weer waor
Meziek zit in ós blood
Poepeloestig steit heej klaor
Weej träöte, en toëte door de straote
‘t Geit der duchtig taegenaan
As vrinde en altiëd oëtgelaote
Opzie Poepeloestig kump der aan
Taa taa Hoempa hoempa
Taa taa Hoempa hoempa
Taa taa Hoempa hoepma Ta ta tara ta taa
Taa taa Hoempa hoempa
Taa taa Hoempa hoempa Taa taa Ta ta tara ta taa
Weej speule wie nog nie
En zien nog lang neet muug
De noëte van partie
Op slaag en neet te vruug
Met joeks en veur de jen
Weej träöte met ós snoët
Zoë doon weej det, jao ken
Poepeloestig trek weer oët
Ein supergaaf geveul
De träöte koste nop
Nog efkes en weej speule alles oët de kop
De wange staon weer bol
Weej gaon der ós veur staon
De lónge zien weer vol
Poepeloestig luuët um gaon
Zang: Kay Jeurissen,Manillo & Erik Heyligers, Sven
Koethe, Nico Meerts.
Teks en meziëk: Piet Theeuwen.
Vet alderwets en op de steul
Det is ‘t Remmiedemmie geveul
Zeker beej ós heej aan de Maas
Kóm doot mei, gaef gaas
Refrein:
‘t Is beej ós weer remmiedemmie
Hendjes in de lóch Alaaf
Heej is ‘t altiëd remmiedemmie
Dalik geit ‘t daak der aaf
Weej zinge en weej reppe (en weej reppe reppe)
Baeter is ‘t noëts gewaes
En drinke groëte kleppe (groëte kleppe kleppe)
Zeve sneeje mik met polonaes
‘t Is beej ós weer remmiedemmie
Hendjes in de lóch Alaaf
Heej is ‘t altiëd remmiedemmie
Dalik geit ‘t daak der aaf
slot
Weej radaue door, zeker nog ‘n oor
Dalik geit ‘t daak der aaf, Alaaf!
Uig ens dao binne geit ’t d’r aan
Glazer weer vol en aope de kraan
Lachende minse manjefiek
Laot um gaon meziëk
Letste CD’tje dreit, dan WHAM
Sleit met leweit de vlam in de pan
Zoëmaar opens wuu se gewaar
Is de kook weer gaar
Zang: Nico Meerts,Kay Jeurissen,Sven Koethe,Erik &
Manillo Heyligers
Refrein:
Saame vier ik met dich vastelaovend.
Want ut beer en dien hertje helt mich werm
Iërlik wil ik met dich alles deile
Ouk al bin ik nao dreej daag baedelerm
Want as ik dich bekiek.
Veul ik mich schat- schatriëk
Vraog ik verleef waer mienen hertendeef
Saame vier ik met dich vastelaovend
Ouk al bin ik nao dreej daag baedelerm
Wiej Adam in d’n haof zoot,
te aete van zien fruit,
zoog hae inens zien Eva
en drek zông dae schavuit:
Ein knölke van doëzend waeke,
det nog neet zoë erg good dors,
drônk iërs zich ut beer met baeke
en zông toe oët volle bors:
GieI Geurts
Zang: Giel Geurts
Zang op LP ’81: Ben Verdellen en Claar Boots-Hinssen
1962?, nr. 3?
Refrein:
Ôs verstand haet weer dae knak gehad
jônges drink en zing ens wat
höb dees daag allein nog maar plezeer
straks begint ut kraoze weer
ôs verstand haet weer dae knak gehad
jônges drink en zing ens wat
höb dees daag allein nog maar plezeer
straks begint ut kraoze weer
Ome Sjang dae altiëd neuchter waas, noëts ein kefee zoog
ging met Carnaval ens nao den optoch kiëke
en opens dao kwaam ein bruudje, det um in zien erm vloog
amper dörfde hae ut maedje te bekiëke
bliksekater nog en toe….
Sjang zien vrouw zoot thoës te wachte, dôch wat blief dae
kaerel lang
dae is minstens met die maskes op de lappe
nao zoë minnig eurke zeuke, jao dao vônd ut ziene Sjang
en un präötjes dette had det kinse snappe
bliksemkater nog en toe…..
Teks: Huub Warmerdam
Meziëk: Huub Warmerdam
Zang: Huub Warmerdam
1962?, nr.4?
Refrein:
Ik hald mien oere toe 2 x
Ik wil dich neet mier huure.
Ik hald mien oere toe 2 x
Ik kan dich neet miër zeen.
Ik schaam mich kepot veur de buure
Door dich met al dien kuure!
Ik hald mien oere toe 2 x
Ik kan dich neet mier zeen…
Pap waas met vastelaovend nao ut dörp gegaon
En wie hae 's nachs nao hoës kwaam, scheen allang de maon!
Hae zag toen taege mooder: Bin nôw maar neet kwaod.
D’n optôch is bliëve staeke, in de Kloësterstraot…
Pauw meugde van zien bruudje nao d’n tapkas gaon
um met einen bekinde ein pilske achtereuver te slaon.
Hae trof ein ander maedje. Noom det in zien erm.
Zag later och det gräötje waar kald in plaats van werm.
Teks : Gerrit Gommans Meziëk : Jan Verberne
Zang: Giel Geurts
1967, nr. 4
Spiet
Refrein:
Ouge zoë blauw, vol van berouw
Det ik neet met dich mei bin gegaon
Noow heb ik spiët, bin ik dich kwiët
Alles is veurbeej
Had ik 't noow toch maar gedaon
Had ik neet heej allein noow gestaon
Nao dreej daag gelök, leefde en gein, weer allein
Same met dich nao d'n optoch, beejein op ’t plein
Same met dich, hand in hand, weej huurde beejein
Dich met dien lachend gezich
Waorum toch daen twiefel beej mich
Same met dich in d'n ander zien schoon, same kloon
Same met dich, same doon, wat weej anders noëts doon
Fijn toch met dich heej te staon
Waorum heb ik dich laote gaon
Same met dich dreej daag lang zie aan zie, same ein
Same met dich, dreej daag knoevele, veulde toch fijn
Had ik dich neet laote staon
Was noow neet alles gedaon
Tussenspel
Wie had ik noow toch zoë stom kinne zien
Is 't veur good of is d'r nog meschien
Is dit 't ind van d'n dans of is d'r nog kans
Zang: Roy van den
Broek
Teks en muziëk: Frank van den Broek en Hay Geritz
Plaats 2 jaor: 2009
Refrein:
Stel neet oët tot morge, as 't vandaag nog geit.
Stel neet oët tot morge, te laat det guëf maar leid.
Schuuf neet op de lange baan.
't Is gauw vergaete dink dao aan.
Stel neet oët tot morge, wat auk vandaag nog kan.
Stel neet oët tot morge, wat auk vandaag nog kan.
In ein minslaeve, gebeurt 't waal ens miër.
Dök gezag wuurd: Morge, of einen andere kiër.
Zeg neet altiëd morge, det is nog vuëls te wiët.
Waste nôw nog höbbe meugs, det bisse morge kwiët.
Teks: Hay Verberkt. Muziek: Jo Hofman
1975 No: 1
Jao, idder jaor en altied weer,
Viert idderein de vastelaovend gaer.
En dreej daag lang is alles stapeldol,
En straole alle minse van de lol.
Maar ens, maar ens, en det steit vas,
Dan môt 't maske in de kas .........
Refrein:
Straks is 't weer Aswoensdaag, is alles veurbeej,
Straks hebbe weej weer heimwië, is alles veurbeej,
Zing mich nog ens det leedje, die moëi melodie,
Einmaol nog same danse, den allerletste kiër,
Einmaol nog same sjanse, straks geit 't neet miër.
Ein stille straot, zaach schient de maon,
Och minsekinder, alles is gedaon.
Ein träötje heej en ein belunke dao,
Ein maske kiek der stil van ut heimwië nao.
Wiëj schoën,wiej schoën waas toch daen tied,
Hae is veurbeej, wie ut ôs auk spiet .........
Teks & meziëk: Giel Geurts
Zang: Giel Geurts & Tiny Hofman
Jaor 1975 Plaats 4
Refrein:
Det is in ôs Bleriëck, heej is ut te doon.
Vastelaovesdinsdaag, zien weej heej de kloon.
Det is in ôs Bleriëck, wat wil-se nog miër.
Vandaag gaon weej as kloons, heej duchtig aan de zwier.
Jao Jao Jao.
Weej gaon dan stuupke op, stuupke aaf, in ein lange
riej.
Weej gaon Kefeeke in, kefeeke oët, kiër op kiër opniej.
Belunke in de linkerhand, en rechts de stampefoon.
Zoë trekke weej gans Bleriëck rônd, daoveur zien weej
kloon.
Weej laeve noow op groët voot, maar meug det eine kiër.
Want in de kloon zien schoon, staon weej nao vandaag
neet mier.
Trômpetje bluus de iërste noët, weej kloons weej valle
beej.
Dan zinge weej ôs rippertwaar, zoë geit det altied heej.
Weej laeve baove ôzze stand, maar meug det einen daag.
Want in dae kloon zien schoon, huur-se van ôs gen
geklaag.
Zang: Leo van Heyster en Michel Jeurissen.
Teks: Paul Lenders en Ruud Bettinger.
Meziëk: Paul Lenders en Ruud Bettinger.
Jaor 1993
|
