Refrein:
Ik bin de waeg, jao bin de waeg
gans kwiët
Net loog hae heej, noow weit ik neet miër wao hae is
Gister nog ging hae mich oët de waeg
Ik vroog um waorum, jao daorum
Dus loup ik noow mien neus maar achternao
Kiëk oët det ik um neet miër mis
En inens dan huurse mei die dónderslaeg
Dan bis dich weer good op waeg
Couplet
De ganse tiëd bin ik um aan ‘t zeuke
Heb gister nog zien gäöt ens aangevaeg
Mien veut die gaon maar door, det is ‘t leuke
Ein wónder nog det ik mich zoë bewaeg
Bin al ore ónderwaeg
En toch bin ik pas halverwaeg
Couplet
En haes se diene dreij dan weer gevónde
Dan wuurt d’r duchtig oët de näöd gevaeg
Dich kieks nao al die maedjes , ouk die blónde
‘t Glaas neet halluf vol maar halluf laeg
D’r is genne waeg miër truuk
Al hels se dich heej ouk keduuk
Zang: Manillo
Heijligers, Erik Heijligers, Kay Jeurissen en Nico
Meerts
Teks: Frank van den Broek
Muziëk: Hay Geritz
Jaor 2013 Plaats 3.
Refrein:
Ik bin mien maedje kwiët
Ik kan um nörges vinde
Minsekinder wet ‘n leid
Veul ens wiëj mien härtje sleit
Maar as ‘k um daalik vind
Dan roop ik Mieke-kind
Kom dich noow heej doën beej mich
Want ‘k hald zoë vuul van dich.
Met vastelaovend zien weej oëtgegaon
We heije ôs dôf verkleijd
We trôffe Sjengske, Baerke en To
En de wets dan wiëj det geit
Kom jong, drink dich d’r eine van mich
Ein glaeske bêer of eine cognac
Maar opens toen schrok ik mich de miës
Want ik misde miene schat.
Met vastelaovend in de Kloësterstraot
Ik zoog ut al direk
Mien opa dansde lekker op straot
En hae zweijde met ziene stêk
Hae zeij ik gaon nog gaar neet nao hoës
Ik bliëf diëj dreej daag heej
En de wets ik höb toch hiël vuul dôrs
En zong oët volle bôrs.
Zang: Wiel Vestjens
Jaor: 1966, nr. 3
Ik bin wie ik bin en ik weit waat ik kin.
Want det kump van binnenoet.
En waat ik neet lin, nae det zit d'r neet in.
Dus det kump d'r auk noeits oet:
Refrein:
Het woel zoë gaer dat ik zoel waere.
Wie het gaer had det ik meus zien.
Maar ik leet um maar gewaere.
Umdet ik wis "nog neet meschien"
Zoë wie ik bin bin ik gebaore.
En wie ik mich auk dreij of kiër.
Ik zal mien laeve lang zoë blieve.
Want anders bin ik "ik" neet miër.
Het is altied link als ik weer ens wat drink.
Maar het môt zich neet bedoon.
Ik gaon gaer op stap, maar det het det neet snap.
Dao kin ik toch niks aan doon:
Prissentasie Paul Peeters.
Jaor 1986
As-te mit vakansie geis, örges mit dien tentje steis
en de raegen steeds maar vält
en daen oozel dich zoë kwelt
Dink dan ens wiej heit ut is, in Züd-Africa
Dan vergitste dien verdreet
Zings met mich dit leed:
Refrein:
In de ,,Kali-Hari” is ut vuul te druëg
In de ,,Kali-Hari” bist-ut hiël gauw muug
Want dao kriegste gên beer en wors
Kiek-ste scheel van honger en dors
In de ,,Kali-Hari” is ut vuul te druëg
En daorum blieve weej, allemaol same heej.
As-te nao ‘n joeksfestijn hoes toe kumps mit scheive bein
‘s-morges nao ‘ne nach gesnörk, ein geveulke haes weej körk
Dink dan ens, wiej druëg ut is, in Züd-Africa
Dan vergitste dien verdreet
Zings mit mich dit leed.
Wäörd: G. Geurts Meziék: G. Geurts
Zang: G. Geurts
Zang op LP ’79: Giel Geurts
1964 nr.3
As Truuj weer is verbrand en alles is gedaon.
De kleure môtte weer van mien gezich.
Ik veul mich zoë mismeujig, ik môt weer wiejer zônder dich.
Maar dan inens, dan brik d'n hemel aope.
Maon en sterre fônk'le in de nach,
Ik veul opens det ik weer meug gaon haope.
Umdets dich ut bis jao, dich dae op mich wach.
Refrein:
Ik dink aan dich, allein aan dich.
Ik heb dich leef, det sprik veur zich.
En det verklaor ik dich.
Ik hald van dich, allein van dich.
Laot noow maar kômme wat d'r kump.
Ik weit weej zien veur ein bestump.
Want wao ik gaon of staon.
Mien leefde veur dich zal noëits vergaon.
Ik druim van dich allein van dich.
Dich bis ut gans veur mich.
Mei zit ik aan de Maas maar wat te miëmere.
Ut water kloets dan taege eine stein.
Ik veul mich zoë verlaote.
Nao dreej daag hiëlemaol allein
Maar dan inens, dan brik d'n hemel aope.
Zônestraole schiëne neer op mich.
Ik bin inens neet miër zoë verlaote.
Ik weit wat ik wil en wat ik wil ..... bis dich.
Zang: Henk Rutten.
Meziek en Teks: R. Bettinger en P Lenders.
Jaor 1997
Refrein:
Ik heb dich leef, ik heb dich leever.
Dan unne borrel met ein lekker stökske wors.
Ik heb dich leef, ik heb dich leever.
Dan lekker frühschoppe met ein pilske veur d'n dors.
Met de vastelaovestied bin ik al mien zörreg kwiët.
Want beej de Wortel en de Pin.
Hebse ut altiëd nao de zin.
Ik heb dich leef, ik heb dich leever.
Jao ut allerleefste heb ik... Vastelaovend.
Ik hald van vuël gezelligheid.
Maar kôffiekrenskes vind ik mouw.
Ik drink auk gaer en pilske.
Maar ik haol ut leever met gedouw.
Auk bin ik gaer gesmingk.
Neet als ut werm is maar kalt.
Jao `t is de vastelaovend.
Wao ik hiel vuël van hald.
Met vastelaovend beej de Wortelepin.
Is idder jaor weer vuël te doon.
Den optoch en auk Truujendaag.
En det getrek aan unne kloon.
Dreej daag lang is der plezeer.
Bedoeld veur jongk en ald.
Jao ut is de vastelaovend....
Wao ik hiel vuël van hald.
Zang: Quin Warmerdam en John Wismand.
Teks: Quin Warmerdam.
Meziëk: Quin Warmerdam.
Jaor 1992
De prins gaon probere te felicitere,
Deej ik ens eine kiër,
Ik heb det bekeke, toen is mich gebleke
Det woele d’r waal miër
Refrein:
Ik zoel waal wille, maar ik weit neet wie,
Want kiëk, d’r steit alweer ein ganse rie,
Wao kómme al die minse toch vandaan,
En alzelaeve staon ik achteraan,
Ik zoel waal wille, maar ik weit neet wie,
Want ech, ze gaon veur genne mins opzie,
Det doon ik lever strakkes weer opnie,
Want ik zoel waal wille maar ik weit neet wie
As ik gaon bestelle, schrik ik mich de velle,
Wat is ‘t heej weer drök,
Dan baat dich gen sjouwe, dan baat dich gen douwe,
De wets det det neet lök:
Kiek dao, wat ein bruudje, noow uig wat ein snuutje,
Dao gaon ik efkes haer,
Met det jao dao kanse, gerös mei gaon sjanse,
Maar och, dao staon ik weer:
Zang: Ruud Stikkelbroeck , Bram Holla.
Teks en meziëk: Wim Janssen en Peter Jansen.
Refrein:
Och Janet, och Janet waorum duiste det.
Waorum duiste aan de lien
Och Janet, och Janet waorum duiste det.
Waorum wilste zoë mager zien.
Zo’n jonk figuur mien leef Janet
Det steit toch neet beej dich
Noow höbste vel te vuul Janet
De höbs vaaje in ut gezich.
Janet is ein bruudje van zeventig jaor
Ut is nog zoë good beej d’n tiëd.
Ut smienk zich, ut poejert ut verf zich de haor
En duit baovendien aan dieet.
Ut it kleine häpkes ut duit aan de lien
Ut zoëj gaer ‘n jonk bruudje zien.
Maar Baer ziene man dae ergert zich blauw
En zaet mei taege zien vrouw
Janet heij ens duchtig gegymnastiek
En woëj zich ens flink douche gaon
Toen noom Baer zich stiekurn ‘n moderne plaat
En loog diëj op de gramofoon.
Hae zoot toen det dink hard en zeej toet Janet
Noow twis maar ens flink op en neer
Want anders raak ut water dich neet
Dan vält ut naeve dich haer.
Zang: Nol Peters
Jaor: 1966, Nr.2
Refrein:
Same: Ik kriëg `t gans kalt en werm van dich.
Zoë emus wiej dich, dae wins ik mich.
"t Wuurd mich hiëlemaol kalt.
Umdet ik zoëvuul van dich halt.
Ik kriëg ut gans kalt en werm van dich.
Ik hald van dich en dich van mich.
Kôm halt mich in dien erm.
Dan wuurd ut mich weer werm (2x).
JONG.
Ut kwaam as enne dônderslaag beej heldere lôch.
"k Zoog hemel en aerde bewaege.
MAEDJE.
Zoë emus wie dich heb ik lang al gezôch,
"k Waer iërlik inens gans verlaege.
SAME.
Ut wuurd mich gans kalt en dan werm.
Zien weej nao verlaore ocherm.
JONG.
Ik môt dich bekinne, ut is iërlik waor.
Ik zoog dich metein waar `k verlaore.
MAEDJE.
Zeg wilste mich zegge, of velt dich det zwaor.
Wils dick mich dien leefde verklaore.
SAME.
Ut wuurd mich gans kalt en dan werm.
Zien weej noow verlaore ocherm.
Prissentasie: Joke Theeuwen en Hay Steegh.
Jaor 1985
Refrein:
Kiëk 's offe kiek en asse kiek neet kiëke:
Kiëke kan gen kwaod!
Kiëk 's offe kiek en asse kiek neet kiëke:
Luuster nao dae raod.
Want uige, spanne, kiëke: Det duit toch idderein
D'n erme of de riëke
De groëte en ut klein
Kiëke 's offe kiek en, asse kiek neet kiëke:
Kiëke kan gen kwoad !
Ik weit ut nog zoë good, wat me as jông oëtvroot.
En wie me beej d'n boer aan de appele zoot,
Dae haet ôs noeits gegrepe,
umdet weej altied reepe…..
Ik weit nog wiëj ut waas met det gevreej aan de Maas
en wiëj ik um dao kneep, veur daen alden baas.
Maar dae haet noeits gewete
wiej weej ut um same kneepe:
Zang: Hay Crompvoets
Jaor: 1974, nr. 3
Refrein:
Kiëk ens in mien auge 2x
Zek mich ens waas dich dao zuus.
Of die auge dauge 2x
Zek mich waas te zuus.
Zien ze greun, dan bin ik ein echte kat,
Maar zien ze blauw dan bin ik diene schat
jao jao jao.
Kiëk ens in mien auge; Zek 't mich maar gauw:
Zien ze greun of zien ze blauw?
In mien auge kinste zeen 2x
Hoe 't van binne met mich is.
In mien auge kinste zeen 2x
Of mien hert te winne is.
Veur det weej dus vaerder gaon:
Kôm ens efkes beej mich staon en....
In mien auge kinste zeen 2x
waat ik al waeke veur dich veul.
In mien auge kinste zeen 2x
det ik ech neet met dich speul.
Veur det weej dus vaerder gaon:
Kôm ens efkes beej mich staon en....
Teks en Meziëk: Giel Aerts
Jaor: 1970, nr. 1
Refrein:
Kiëk ens um dich haer.
Der is zoëvuul te kiëke.
Kiëk ens um dich haer.
Dan zal ût ôg waal bliëke.
Want asse neet kieks bisse neet beej den tiëd.
En wasse gemis hebs bringk dich later spiët.
Kiëk ens um dich haer.
Dan bisse auk noets wat kwiët.
Der waas lets beej ôs op den hook wat gebeurd.
Ik had der neet ens nao gekeke.
Maar wat dao gebeurde det had lang gedeurd.
Det waas mich wat later gebleke.
Ik had dus weer ens wat gemis.
Ik weit nog neet waat ut is.
Ik zal ôg wat zegge de volgende kiër.
Dan wil ik ut zelf waal ens waoge.
Want asse zelf kiëks wetse altiëd wat miër.
En hoofse auk neemus te vraoge.
Dök haet ut neet vuul um ut liëf.
De vaegs-ter waal ens viëf.
Zang:Organisatiekemissie "De Wortelepin"
Teks Hay Verberkt.
Meziëk: Ben Verdellen.
Jaor 1988
Kiek, jao dao kumpe
jao, dao kumpe; jao, dao kumpe
jao dao kumpe kumpe haer......
Kiek noow dao geite
jao, dao geite; jao, dao geite
jao dao geite geite haer......
Vlgs. LP ’80: Huub Warmerdam
Zang op LP ‘80: Gemink koër
Refrein:
Vastelaovend, klatergöldje, waereld oët ein druimpeliës
Dich belaeve, dich te preuve, idder jaor brinks dich wat niejs
Vastelaovend, ik wil ut weite, ik wil ut weite iërlik waor.
Ik zal dich viëre, altiëd viere
ouk al waer ik hônderd jaor.
2 x
Luuster ens wie ut klink,
as me waer det liedje zink.
Mins ut mak dich weer wie niej.
Trek ens mei, ziej aan ziej.
Met fanfaar of hermenie
Kom en zet de zörg opzie.
Ome Sjeng, Tante Truuj.
En nog doezend ander luuj.
Zitte baordevol met lol.
Kastelein, maak en vol.
Want we zien waer stapeldol.
En gaon dreej daag aan de rol.
Teks en Meziek: Giel Geurts
Zang: Tiny Hofman. en Giel Geurts.
1976 No: 4
Refrein:
Ein klein kusje op dien wang
daorveur biste toch neet bang.
De hoofs neet van de wap te zien
want zôn kusje duit gen pien.
Zo'n klein kusje op dien wang
kom maar heej 't deurt neet lang.
Waer maar röstig bleik of roeët
van ein kusje geiste neet doeëd.
Ik waas stiekum op eine knöl verleef
dae ik verleefde breeve schreef.
Maar meinse det hae mich mei oêtvroog
hae woord al roeët as heej mich zoog.
Ik heb neet erreg lang gewach
en heb um toen gezag:
Hiel vuul jaore ware ze getrouwd
de leefde waas al wat verflauwd.
Maar op eure zilvere broëlofdaag
toen haet 't bruudje zich beklaag.
't Vloog um ens um de nek
en zag: "dich alde gek".
Teks: Nol Peters. Meziek: Frans Verhofstad.
Zang: Hannelore Winter
1976 No: 2
Refrein:
Haej dich dao, jao dich dao.
Kôm dich ens efkes heej.
Haej dich dao, jao dich dao.
Kôm dich ens doënderbeej.
Met dich wil ik waal ens wat drinke.
Egaal wat ze dao van dinke.
Met dich wil ik der eine traöte.
Ens efkes lekker taöte.
Haej dich dao, jao dich dao.
Kôm dich ens efkes heej.
Wat halde de minse van kletse.
Jao ze doon der gaer aan mei.
Ze fluustere dök van: "Wetse???"
Ik heb lak aan daen boechei.
Wat kinne de minse dök zwetse.
Euver dae en det of mich.
Ze praevele auk nog det ze.
Noeit ens zwaegele euver dich...
Zang: Marlie Hanraths en Ingrid Scheepers.
Jaor 1987
Refrein:
In det getske langs ut raodhoës woort ik mich toch knats
verleef.
Op ein maedje, wie ein plaetje, blauwe uigskes, blônde heurkes,
eine lach op zien gezich, jao zoë stônd det naeve mich.
Wie det mich kösde, op mien muulke, schoot mich d'n turbo in de
bein
In det getske bin ik knats verleef gewaore, met vastelaovend bin
ik now neet miër allein.
Ik heb mien hert verlaore, ut liek waal of ik zweef,
ik veul mich gans herbaore want det maedje is zoë leef.
Dörf bijna neet te vraoge, wil dreej daag lang op proof.
ging zeker oët d'n bol as det mich de kans ens goof.
Gaon weej dan same stappe, dreej daag op ein rie,
Auk same lol gaon trappe jao weej gaon dan wie nog nie.
Dan huurse idder zegge, det is 'm moëij gelök,
weej weite ut waal zeker, hae haet ut moëiste stök.
Zang: Marius Suiker, Vic Suiker
Meziek: Wout Weijmans
Teks: Frank van den Broek
Kom dich
ens heej
Refrein:
Zeg, kóm ens heej dich, doën beej mich
Kóm dich ens heej beej mich
Neet det kalde, van dich halde
Laot mich maar dienen Idol zien
Zeg, kóm ens heej dich, doën beej mich
Ik zal d'r veur dich zien
Al waer ik dan gen doëzend jaor, staon veur dich klaor
De daag zien aangebraoke, kóm ik weer opgedaoke
Die dolle daag die ik al jaore kin
De schmink weer op de snoëte, zet ik de bleumkes boëte
Weit det ik dan in good gezelschap bin
En zeen ik dich met diene lach
Dink ik det haet op mich gewach
Noow gaon weej same stappe, as vrinde op de lappe
Nog altiëd heb ik vlinders in d'n boëk
Ik veul mich opgelaote, dich in mien hert geslaote
Wie eine vis gevangen in dien foëk
Ik hald van dich en hald dich vas
Bis dich dae schat dae beej mich pas
As jaore dan gaon telle, wil ik dich nog vertelle
Det ik veur dich de waore toch nog bin
Nog altiëd met dich mei viër, al geit det neet zo vlót
miër
As ik dich zeen dan kriëg ik goje zin
Zeen ik dae lach weer op dien snoët
Dan duit mien hert nog, toët toët toët
Zang: Bernie
Billekens, Willy Billekens Peter Wilders en Hans Aerts
Teks en muziëk: Frank van den Broek en Hay Geritz
Plaats 1 jaor: 2009
Refrein:
Kôm euver de brök, leef luuj, laot ôg neet kinne.
Kôm euver de brök, leef leej, laot ôg ens gaon.
Ut is messchien waal effe winne.
Maar straks dan ziet geej neet miër weg te slaon.
Nae, zônder brök kint geej niks beginne,
want dan zult geej noëits heej staon.
Jao, ut is ein klaor gegaeve, wat waor is det is waor,
weej môtte d'r mei laeve, de Majjum struimp maar door.
Daorum is heej die brök, die löp van kant nao kant.
Veur ôs is det ein groet gelok, die guuf ôs juus daen band.
Eine goojen buur is baeter, dan eine wiëje vrind.
Die brök is hônderd maeter, det is toch ech gen ind.
Dus pak ôg now ens op, en kom nao deze kant.
Die brök die leet dao neet veur nop, die guuf ôs juus daen band.
Zang: Bernie Billekens, Leon Theuws Resy Wolters, Hannelore
Winter
Meziek: Paul Lenders, Ruud Bettinger
Teks: Paul Lenders, Ruud Bettinger
Couplet:
As Bliërick ziene prins bekiëke geit,
En gans de Staay weer vol met minse steit,
Kump ‘t waal dökker veur,
Stelt d’r weer zó’nen breur,
Zich nao binne toe te douwe beej de deur.
Refrein:
Kóm maar binne, kóm maar binne,
Zó'nen eine, zoel ik meine, det mót hendig gaon,
Kóm maar binne, kóm maar binne,
Nao ‘nne maeter geit ‘t baeter, want dao kin se staon,
Oët de waeg, aan de kant, gank ens opzie veur deze
klant,
Zó’ne goje wie deze heej,
Is al net zoë krangs wie weej,
Zó’ne goje wie deze heej,
Kin d’r altiëd nog waal beej.
Couplet:
In ós kefee dao zien we gaer en dök,
Maar nao d’n optoch wuurt ‘t biëstig drök.
Wuurt d’r ein plaats gezóch,
Haole weej effe lóch,
Met ein bietje douwe kump d’r plaats genóg.
Couplet:
Wie ik de waereld op de kop zoog staon,
Woel ik hiel stil beej mich nao binne gaon.
Jao det had ik gedach,
Vruikeleef stónd op wach,
En geej gluif ‘t neet maar wet geej wat det zag:
Teks en meziék: Peter Janssen
Zang:Paul Klaassens en Edu Carli
Jaor: 2002, Plaats 3
Refrein:
Maar..... weej halde van Bliërick.
Dao woëne weej zoë gaer.
En wae d'r op moppert.
Verkaupe weej un paer.
Hotsjiekieda en hotsiekadoe.
Halt diene mônd maar, halt dae maar toe.
Want kumpse aan ôs Bliërick, dan kumpse auk aan ôs.
Want kumpse aan ôs Bliërick, dan kumpse auk aan ôs.
Berge as Alpe, die hebbe weej heej neet.
Waal koële en gater, dien ziën d'r beej de vleet.
Springe van schanse, det is t'r auk neet beej.
Waal glitse en valle, ochte det kinse heej.
Stoepe en gatse die ligge dôk vol troep.
En asse neet oëtkiëks, dan trapse in de poep.
Laupe of fietse? Och waat ik heej dan ruük.
Det is weer de Pope; maak dich oët de struük.
Zang: `t 10e van S.V.B/
Teks: Gerrit Gommans.
Meziëk : Jo Hofman.
Jaor 1988
Kóm oët de winterslaop, kóm oët d'n bóch
Maak noow de ouge aop, 't is genóg
De winter is veurbeej en daorum rope weej
t'Is vastelaovend heej
D'n ozel haet noow lang genóg gedeurd
't Wuurt tiëd det d'r heej weer wat gebeurt
Kóm oët de winterslaop, kóm oët d'n bóch
De vastelaoveszón steit aan de lóch
Sinterklaos zit weer in Spanje De kersman op zien sleij
Heej kleurt 't greun-oranje
En idderein zingk mei
Wriëf 't zand maar oët de ouge
Waer wakker op d'n tiëd
Heej geit 't noow weer douge
't Is al weer zoë wied
D'r is heej weer wat gaonde
Jao, heej is 't te doon
Weg zien die duust're maonde
Weej zien noow weer de kloon
Zang: Paul Lenders, Graat Peeters en
Onno Vaessen
Teks en Muziëk: Ruud Bettinger
en Paul Lenders
Jaor2011 plaats 4.
Refrein:
Laef ein laeve lang langer geit ut neet.
Ik zeg ôg auk waorum.
Laef en laeve lang naor wat d'r veur ôg leet.
en Kiëk neet achterum.
Laef en laeve lang, wat gewaes is wass.
Gewaes det is veurbeej.
Laef met plezeer kôm höf `t glaas.
Op allemaol de minse heej 2x.
Zeg haej, zeg haej noow luuster.
Wat ik in dien uurke fluuster.
Huur miene gooje raod.
Ut laeve noow is neet zoë kwaod.
Laot alle minse kletse.
Euver toen en ut alderwetse.
Wie ut waas, wiej ut meus, wiej ut môt.
Zörg noow det geej ut baeter dôt.
Jao idder generasie.
Hat zien eige inspiratie.
Maar wiej se ut auk kiërs.
Zoë wiej se vastelaoves viërs.
Det liërse neet det hebse.
Van pap en mam det wetse.
Zoëwiej zoë, zoë wiej det, detgeej wet.
Ein laeve geit maar eine kiër met.
Teks: Hay Steegh.
Meziëk: Jan Jacobs.
Zang: Petra Houben en Hay Steegh.
Jaor 1983
Refrein:
Laot ôs maar laupe.
Weej gaon te voot.
Op ôs gemaekske.
Det duit ôs good.
Nae nae neet huije.
Niks gen gejaag.
Weej kômme morge waal.
Dan is ut weer vandaag 2x.
Weej hebben genne auto en de fiets is ôs geschoep.
Dus gaon weej altiëd met de voot en bliëve op de stoep.
Dao löpse gen gevaor en zuus `s eemus daesse kins.
Jao ein dink luuj zien weej ut euver ins.
Noow laot die minse jage, och ze make zich zoë drök.
Die alde en die blage, idderein geit van de zök.
Weej doon dao neet aan mei, want det is slech zoë wie me zaet.
Wet neemus dan wao hae zien bein veur haet.
Tekst: Wiel Aerts.
Meziek: Wim Roeffen.
Zang Hay en Paul Peeters.
Jaor 1983
Laot um gaon, laot um gaon, laot um gaon gotje
Wat is dae vastelaovend fijn.
Haol de pekskes en de hudjes maar vas oët de kas
en hald ôch dan ens same vas!
We gaon ens heej, we gaon ens dao, we kiëke euveral
en gaon netuurlik ouk nao einen maskenbal
Met ein wortel in de hand en eine bessem op de nek
Kiek neet nao d'n andere, want dae duit al aeve gek!
Laot um gaon, laot um gaon, laot um gaon gotje
Wat is dae vastelaovend fijn!
Apart leedje? Vaerder gèn gegaeves bekind:
Op ein benkske aan de Maas
Dao woord Amor mich d’n baas
In dien uurkes, hertendeef
Zông ik zachjes: ik heb dich zoë leef!
Vlgs. LP ’80: Harie Hermans
Zang op LP ‘80: Gemink koër
Lempkes in
Bliërick
Op dinsdaagaovend is 't tiëd, dan sloëte wéej aaf,
Dan gaon weej weer straole, det is toch zoë gaaf.
De letste daag, 't is zoë wiëd, weej mótte noow gaon,
Um heej in ós Bliërick aan de straotkant te staon.
Eine optoch vol met lempkes,
Wie sterre aan de hemel.
En dao baove schient 't mäönke,
Waodaor weej bliëve staon.
'nne lach maar ouk ein träönke
Det blink op minnig wengske.
Vastelaovend in Bliërick zoë schoen ....
En dan .....is 'tgedaon.
(Modulatie: Vastelaovend in Bliérick waas schoën ...
Maar noow _ ...is 't gedaon)
Want ald en jónk en groët en klein die staon dan
beejein,
Te kiëke naar leechskes, weej vinde det fijn.
Ein krallentoër van klatergold dae trek heej veurbeej,
Jao det in ós Bliërick, det kin allein heej.
Zang: Bart Janssen
Teks: Peter Brans
Muziëk: Henk Sneijers
Jaor: 2014
Plaats: 3.
|
