Ik zoog dich op de mert staon, dich waas gans allein
Leep op dich aaf met bibbers in mien bein
Och mien leve sieske , deej ik mien verhaol
Dich leets mich staon, met ein gezich van staol
noow weit ik det ik neet de moëjste bin
Maar waal van alles waal wat kin
Refrein:
Want ouk al bin ik neet zo moëj, neet in de ploëj, en heb ik wat
geleje
Met zo’n Pap en ouk zo’n Mam bin ik toch oët ‘t goje holt
gesneje
Wao ‘t um geit is, wie en wat se werkelik bis, det mós se noëts
vergaete
Want van ein schoëne taofel met neet vuuël d’r op dao kin se
neet van aete
Ik zoog dich op ein foto staon, op ‘t internet
Weej hebbe ore lang wat aafgechat
Ein paar waekskes later, kwame weej beejein
Noow wuurt ‘t ech, en neet miër veur de gein
En wet geej wat, weej hebbe noow ein date
Dink beej mich zelf, noow heb ik beet
Noow det ik wat alder waer, weit ik wie ‘t is
Wat heb ik al die jaore toch gemis
Schoënheid zit van binne, huur wat ik óch zeg
Wae det neet snap, dae haet ein bietje pech
Haet gen idee wie dit of det noow geit
Dae blief allein, wao hae ouk steit
Zang: Bernie Billekens,Willy Billekens,Hans Aerts,Peter Wilders
Refrein:
Allein is maar allein.
En dao kin ik neet taege.
Ik maak mich dieke bein.
Want ik bin knats verlaege.
Uich nao mich, jao uich maar ens good:
Daen uich van dich guuf mich mood.
Allein is gaar neet fein.
Gaar neet fein...
Ein maedje van de Breejsestraot.
Det wis zich dök gaar genne raod.
Ut had nog altiëd genne jông.
Wet geej misschien waat of det zông?
Ein jungske oët de Meulebös.
Had in zien gaat nôw noeït ens rös.
Hae zag hiël zaach maar met bedraag.
Al taege de pestoër zien maag:
Teks: Gerrit Gommans. Meziëk: Karel Janssen en Jos v.d.
Venn.
Zang: Jos v.d. Venn.
1979 No: 3
Refrein:
Alles andersum, alles andersum.
en achtersteveure....
Weit geej auk waorum?
Doëdgewoën daorum.
Maak dich maar gén zörg, ut kan gén kwaod.
Ut hoof neet altiëd in de maot.
Dink der aan gelök kump nao de pech....
Alles kump op zien puëtjes terech....
Smeis is krômp wat rech môt zien.
Môt ut truuk dan geit ut haer.
Smak den haas nao eine kniën.
Waat neet meug det duisse gaer.
Alles geit hiël dök krangsum.
Neet wie ut huurt maar andersum.
Môsse werke kriegse slaop.
Môt ut rauw dan is ut gaar.
Hadse op dae priës gehaop.
Jao precies vergaet ut maar.
Alles geit hiël dök krangsum.
Neet wie ut huurt maar andersum...
Zang: Mark Janssen, Marcel Schuurmans.
Teks: Hay Verberkt.
Meziëk: Ben Verdellen. Sef Gubbels.
Jaor 1991.
Couplet:
Wie ein raedje aan ein raad,
Zoë passe weej beejein.
Wie dae sloek beej gerstenaat,
Ein kIep veur idderein.
Wie de sleutel beej ‘t slaot,
Bis dich ein deil van mich.
Wie de klaepel beej de klok,
Zoe sleit mien hert veur dich.
Refrein:
Dich bis mien morgester, as ik bin opgestaon.
Dich bis mien aovendster, as ik nao bed toe gaon.
Ik heb al daag en nach gedruimp allein van dich.
Det duit de Ieefde jao allich.
Det duit dae lach op dien gezich,
Want alles dreit zich dan beej mich allein um dich!
Couplet:
Wie de wäörd beej eine zin,
Met puntjes op de i.
Idder ind ein nie begin,
Zoë pas ós melodie.
Miene mond beej dien kösmoel.
Dien wengske aan mien wang.
Detis alles wat ik woel,
Ik haop det deurt nog lang!
Teks en meziék: Hannelore en Laurens Winter
Zang: Henk en Mandy Sneyers, Resy Wolters en René Hutjens
Jaor: 2002, Plaats 4
Alles kump good
Laot mich noow maar gewaere
Alles kump good
Ik gaon mich dreej daag ammesere
Ik goëj mich gans de vastelaovestoemel in
En fiës biëstig good, wao det ik ouk bin
Zoë laef ik op groëte voot
Want alles kump good
Ik bin ‘t wal ens zat
Heb ‘t hiël ff dan gehad
Maar ik zal de mood neet flot verlere
Ik kriëg ech gen króm zin
As wat ik wil neet kin
Nae, ik gaon dan neet lammetere
Kóm d’r altiëd baove-op
En hald ein dingk in de kop
‘t Is toch altiëd wat
Met det maedje oët de stad
Det wilt ‘t met mich maar neet probere
Wie jziër ik um verwin
‘t Trap d’r maar neet in
‘t Zal zich veur mich toch neet sjenere
Maar ik gaef de mood neet op
En hald ein dingk in de kop
Zang: Onno Vaessen,Bert Buskes,Graat Peeters,Paul Lenders
Refrein:
Dreej kiër veer-en-twintig oor:
Alles nao veure.
Kôm vertel det idder door.
Waat t'r geit gebeure.
Dreej kiër veer-en-twintig oor.
Gaon weej kollektief.
Met gezônde ambies-sie.
En in top kôndies-sie.
Same in ut offensief.
Heej ônder de reviëre.
Veural die schoëne Maas.
Hoof neemus kômme kliëre.
Want, wets-te heej zien weej d'n baas.
Wae ôs wilt attakeere.
Dae wuërd heej neet gespaard.
Dae liëre weej meneere.
Dae kriëg van ôs de roëje kaart.
Weej speule det heej tek-ties.
Weej traine iërs `n jaor.
Dan zien weej same prakties.
Gemotiveerd toet in de haor.
Gaon weej ôs dan ôntlaaje.
Weej profies stôk veur stôk.
Dan môs-ste ôs zeen spaaje.
Dan krieg de kastelein ut drök.
Zang: Michel Jeurissen, Sef Korsten en Leo van Heyster.
Tek Leo en Bert van Dijk.
Jaor 1989
Refrein:
Ao jee jee jee, ao jee jee jee.
Weej zien d'r nog gen achtien toch huure weej d'r beej.
Ao jee jee jee, ao jee jee jee.
Weej hoove neet te liëre , weej hebbe lekker vreej.
Ut is weer vastelaovend, weej gaon weer oët d'n bol.
van `s morges wies d'n aovend, is ôs Bliërick stapeldol.
Ao jee jee jee, Ao jee jee jee.
Weej zien neet örges anders en daorum zien weej heej.
Weej hebbe eine jel met vastelaovend.
Efkes oët d'n aek gedreid.
Dae is keigood, minse dae is vuulbelaovend.
Môt geej huure wie dae geit.
Dat hoepsasa tralala, waas neet nao ôzze zin.
Weej hebbe ôzze eige kreet, dae yell dae is noow in.
Al kinse nog neet schriëve en neet praote.
Toch begriëpste good de taal.
Det hoove ôs die groëte neet te liere.
Jao det doon weej zelf waal.
Want hoesasa en tralala, is met dees daag veurbeej.
Weej doon noow met de groëte mei.
en daorum yelle weej.
Zang: Nicole Jacobs, Roger Verdellen en Vrinde.
Teks en Meziëk: Ben Verdellen en Sef Gubbels.
Jaor 1988
Refrein:
Ao, wat bis dich moeij.
Ik kôm door dich gans in de knoeij.
Em miene mônd dae vêlt mich aope.
Ik kin d'r zellufs neet miër van slaope.
Ao, wat bis dich moeij.
Ik kôm door dich gans in de knoeij.
En as ut môt zeg ik hiël aope.
Kôm ik op hand en veut gekraope.
Want beej ut zeen van dien lekkere snoët.
Nae, dan hald ik ut neet miër oët.
La, la, la, la, la, la, la, la, la, la,
la, la, la, la, la, la, la,.
Wat mien auge heej belaeve gaon.
Daoveur gaon ik op mien tiëne staon.
Want met dich in mien vizier.
Nae, dan hek ik ut neet miër.
La, la, la, la, la, la, la, la, la, la,
la, la, la, la, la, la, la,
Wie-se héts en auk wie ald-se bis.
Nae, det is veur mich gén hindernis.
Wie-se bis zoë wil ik dich,
Leeven augappel van mich.
La, la, la, la, la, la, la, la, la, la,
la, la, la, la, la, la, la,
As wat heej door mich wuurd opgebiech.
Strakkes nog un lekker stértje kriëg.
Zörg ik det zô'n schoën bezit.
Heej beej mich gebeiteld zit.
Zang: Hans en Marc Aerts.
Teks: Peter v.d. Akker.
Meziëk: Peter v.d. Akker.
Jaor 1995.
Refrein:
Haol ôgge pôngel oet de kas
en hald ôch same lekker vas
Ein muulke heej, ein muulke dao
Det duit dich good, laot det neet nao
Treur nörges um, maak lekker lol
Van traone kômme de glaas neet vol:
Haol ôgge pôngel oet de kas
en halt ôch vas
As de daag gaon linge
Kump den tied van springe
kriebelt ôs ‘t blood
kriege we nieje mood
As de zôn geit schiene
en de sniej verdwiene,
kômme we lekker los
en wuurt d’r ens flink gehos.
Wäörd: Gerrit Gommans Meziék: Jan Verberne
Zang: Jan Boots
Jaor: 1968, nr. 2
De buurvrouw beej ós naeve, det is mich toch 'n krint
Die zal dich noëts wat gaeve, dao steit die um bekind.
Die zit zoë op eur cente, en haet d'r miër as zat
Wie ik eur vraog wievuuël, toen zag zeej: "wet se wat?"
As ik det ens wis, as ik det ens wis.
Dan had ik 't dich waal gezag.
Maar ik weit 't neet, en beej miene weet
Heb ik dao noëts euver naogedach.
Wie kin ik det ouk weite, 't zien d'r zó'nen houp
Dao löpse in de regel, toch ouk neet mei te koup?
As ik det ens wis, as ik det ens wis
al zit 't örges waal in miene kop.
Maar ik weit neet wao, zit 't heej of dao?
Dus wat schuut se dao mei op?
't Krenske van mien moder, die hadde toch zo'n lol.
Det zien mich 'n paar kwante, gaon altiëd oët d'n bol.
Maar wil se eur wat vraoge, die weite allehand.
Dan staon zeej meistal toch, weer met de mónd vol tand.
Weej zien bes waal niesgierig, det bliek weer kiër op kiër
maar slumme zien liërgierig, die weite altiëd mier.
Toch is 't 'n gegaeve, as emes iets neet wet,
Dan haet hae in de les, neet altiëd opgelet.
Zang: Liz Keunen Tielke Keunen Geke Keunen
Teks en
Muziëk: Wim Roeffen
Jaor 2010
Plaats 3
As ik Marieke zeen dan kan ik neet miër dinke
En as ik um kösse wil vergaet ik waat ik weit.
As ik Marieke zeen dan kan ik neet miër drinke
Jao as ik um zeen dan weit ik neet miër wie ut geit.
Det kind had bein, die ware fijn
En zien gezich waas ein gedich
Ik kan begriëpe wie Leike zag:
“Det kind haet mich en mien verstand doorein gebrach”
As ik Marieke zeen dan kan ik neet miër dinke
En as ik um kösse wil vergaet ik waat ik weit.
As ik Marieke zeen dan kan ik neet miër drinke
Jao as ik um zeen dan weit ik neet miër wie ut geit.
Wäörd: v. Erp
Meziék: G. Geurts
Zengers: v.Haaf, Geurts, Warmerdam, Peters en Hannelore
Winter
Refrein:
Want as ik ‘t heb, dan heb k ‘t good.
Dan hilt mich gaar genne mins mier taege.
Kriëg dan de kriebels van mien veut wies op de kop,
‘t Liek ‘n geveul det van zien laeve neet mier stop.
Dan bin ik gaar neet mier te remme, kom d’r noeits mier
baovenop.
Want as ik ‘t heb, dan heb ik ‘t good!
Couplet:
Ik had mien uigskes laote valle op det bruudje,
Met dae glimlach, op zien snuutje.
Op det maedje met daen hiële leve lach,
Heb ik mien laeve lang gewach.
‘t Is veur mich bestump en wetse wie det kump?
Couplet:
Ik zeen det maedje noow in elk fantasietje,
Gans betoverd, neet zó’n bietje.
As ik noow neet op um aafgaon kriëg ik spiët,
Bin ik geliëk mien kans weer kwiët.
De mood beejein gerap en op um afgestap.
Couplet:
Lets toen waas ik aan ‘t sjanse met det maedje,
Op ein hukske, in ‘t paedje.
Wie ik opkeek zoog ik plots zien vader staon,
Toen waas ‘t met de pret gedaon.
En alles wat ik woel, det waas maar ein kösmoel!
Teks: Frank van de Broek
Meziék: Jan Bax
Zang:Petro en Mark Janssen, Marius en Vic Suiker
Jaor 2002 plaats 1
Met vreje merk ik dök al nao ein waekske,
't Geit neet langer van ein leie daekske,
Het vond mich einen held wat ein gelök,
Det vindt 't nog, maar noow op zök:
Refrein:
Maar beej mien moder, mien eige moder,
Dao bin ik nummer ein.
Jao beej mien moder, mien eige moder,
Dao tel ik maar allein.
Det bin ik waerd, veur eur in elk geval,
't beste paerd van eure stal.
Wat and're minse zegge is gezwam,
Ik bin eine golde, vraog maar aan Mam.
Veur idd'ren optoch mot ik wat verzinne,
D'n ierste priës veur faatse wil ik winne,
Dan loup ik veur die jury op en neer,
En die kiek weer naeve mich haer
Op mienen tuba, zó'ne hiele groëte,
Träöt ik al jaoren lang de moeiste noëte,
Maar beej de hermenie, dao geit 't um,
Speul ik nog altiëd twiëde stum.
Gezônge:Peter Jansen, Wim Janssen
Teks en muziëk: Peter Jansen
Veur dit plezeer,
Gaon weej heej gaer,
Achter de meziék aan,
Joetse euveral mei haer,
Noow wuurt geviert,
De straote versiert,
Ein joeksig leed geliert,
Hollekidoo, hollekidee,
De vastelaovend det zien weej.
Refrein:
Heej kin ik mich mei begaaije,
Idderen daag zoel mich waal gaaije,
Huur ens dae meziëk,
In ós wortele-pinne-riëk,
Och ‘t veult zoë goed van binne,
Um mei te sjoenkele te zinge,
Jao ik begaaij mich gaer,
Aan plezeer!
Genete mit óg,
Hit vruüg oët de bóch,
Vastelaovesgekke,
Kriege noeit, nae noeit genóg,
't zit in daen bol,
Niks is te dol,
Weej gaan veur de lol,
Bis dich nog vreej, kóm dan ens heej,
De vastelaovend det zien weej.
Wäörd en Zang: Mai Anröchte Meziék: Jacques Claessen
jaor 2004
Nao unne gansen aovend sjouwe.
Van de Witte wies den Blauwe.
Zag mien möpke: kôm we gaon.
Maar ik vônd det niks gedaon.
Ik zag: Dan geisse maar allein.
Maar ik bliëf op de bein.
Refrein:
Wetse wat... bekiëk ut maar.
Ik gaon nog efkes door.
En auk al hebste kômmentaar.
Of kiëkste nog zoë zoor.
Hôje schat, wies morge dan.
Dan zeen ik dich waal weer.
Det gek gedeuns dao hald ik van.
Bekiëk ut maar mien deer.
Nao iddren bal bleef ik gaer plekke.
Veul mich thoës beej al die gekke.
Miene sies heel det neet vol.
Kôm nao hoës doot mich die lol.
Ik zag: dan geisse maar allein.
Maar ik bliëf op de bein.
Teks: Wiel Aerts.
Meziëk: Wim Roeffen.
Zang: Hay en Paul Peeters.
Jaor 1984
De brök van de Maijem haet zien twië kante.
Eine leet dao achter d'n andere leet heej.
En Weej die van heej, ken det zien hiele kwante e van wante,
zien der altiëd beej...
Refrein:
Blariacum baeregood.
Dich hebs `t Bliëricks in dien blood.
En veur ôs, van alles op dees aerd.
Is det `t allermeiste waerd.
Blariacum baeregood.
Dich heb `t Bliëricks in dien blood.
Dich bis veur ôs en det is kwant
D'n allermoeiste brökse kant.
De Wortelpinne weite ut te bringe.
Altiëd good gemuts, hebben noeit `n slechte buuj.
Want zeej die van heej, ad die saame gaon zinge.
Dan galdert hiël Bliërick wie in ein revuu...
"t Geit zoë al jaore heej in Blariacum.
Is der Vastelaovend, dan geit de vinger rônd.
En brand dan Truuj en zien weej vol met jajum.
Trek Bliërick van laer en klingk oët ôzze mond....
Zang: Stamtaofel de Waerbörstels.
Jao 1987
Twië ouge zoë blauw
Zeen ik as dich veur mich steis.
Die ouge zegge mich,
Des dich de moëiste bis,
En ofs dich mei met mich geis.
Kieks dich mich dan aan,
Dan geit mien hert sneller slaon.
Det ik det nog meug belaeve,
Um heej met dich te staon
Noow vraog ik dich,
Bliëf veur altiëd beej mich,
Miene leve, ik hald van dich.
Ik bin gans in de zevende hemel.
Ik heb dich leef,
Kóm ens heej, astebleef,
Weej twië same 'n laeve langk,
Ik plök veur dich de sterkes zoëmaar oët de lóch
(Ik plok veur dich de sterkes oët de lóch.)
Kiek mich heej ens staon,
Ik bin finaal van mien slaag.
Det ik dich zegge kin,
Ik zoë gelökkig bin,
En knats verleef waer vandaag.
Spraek ik dich dan aan,
Wuurt't mich weik in de kneen,
Jao, want zó'n wóndermoëi plaetje,
Heb ik nog noëits gezeen.
Zang:
Jozanne van der Velden en Roel
Verberkt
Teks en Muziëk:
Peter Brans en Henk Sneijers
Jaor 2011 Plaats 1.
Refrein:
Biëf wie-se bis, bliëf wie-se bis
Ofschoën heej alles anders is.
Bliëf wie-se bis, bliëf wie-se bis.
Of heb ik mich vergis?
Dich Bliërick hebs noow einen andere kiëk.
Noow luuster ens heej wetse wat.
Want as ik dich vruëger met noow vergeliëk.
Dan liëkse noow miër op ein stad.
Bliëf wie-se bis, bliëf wie-se bis.
Ofschoën heej alles anders is.
Bliëf wie-se bis, bliëf wie-se bis.
Want anders geit `t mis.
Och Bliërick ôs Bliërick wao geisse toch haer.
Wat is ter gaonde heej?
Dich greujs oët dien jeske, det zeen ik neet gaer.
Weej halde dich gaar neet beej.
Wao vind ik nog plekskes oët vruugeren tiëd.
Die örges môtte zien.
Ik wil ze waal zeuke, maar ut spaor bin ik kwiët.
Det duit mich hiël dök zôn pien.
Mien kinder vertel ik wie `t vruëger heej waas.
Wanniër mich det wuërd gevraog.
Dan bin ik neet altiëd mich zellef den baas.
En waer daomei dök geplaog.
Maar `t kan mich niks gaeve. want dich bis van mich.
Met alles wasse haes.
Beliëk ik wat foto's, herkin dien gezich.
Wie `t vruëger ens is gewaes.
Zang: Petra Houben en Jan de Rijk.
Teks Hay Verberkt.
Meziëk: Ben Verdellen.
Jaor 1990
Refrein
Wat bin ik bliej det ik heej bin gebaore
Det ik bin opgegreuijd heej aan de Maas
Det ik heej bin groët gewaore
Want Bliërick is mien plaats
Ik bin gelökkig heej, al heb ik heej verlaore
Hiel wat minse wao ik van heel
Toch zal Bliërick veur mich altiëd bliëve
Want ik bin einen Bliërickse met hert en zeel
Vers 1:
Met de vastelaovend
In de Kloësterstraot
Laot ik smeis ein traönke,
Kriëg ik ut te kwaod
As ik minse weer huür zinge
Van de wortel en de pin
Det zien zoë van die dinger
Det det nog altiëd kin
Vers 2:
Voetballe det deej ik
Beej ôs S.V.B.
Ut ging gewoën neet anders
Zoë huürde det heej
Met zien alle nao de kermes
Op ut Lambertusplein
Geej weit auk det is Bliërick
Zô’n dörp is d’r maar ein
Teks en meziëk: Paul Lenders en Ruud Bettinger
Gezônge door: Wil van Gassel
Jaor 2002 Plaats 2
Refrein:
Bliërick, mien plaetske aan de Maas,
Bliërick, wie se bis, en wie se waas.
As ik dao efkes neet kin zien,
Is 't laeg en duit mien hertje pien.
Daorum zeg ik noow iërlik
D'r is maar ein plaats en det is Bliërick.
Daorum zeg ik hiël. iërlik,
D'r is maar ein plaats, det is ós Bliërick.
Al bisse örges anders gebaore,
En neet beej Os groët gewaore.
Hes se alle zieë en land gezeen,
Veur Bliërick geis se altiëd op de kneen.
Det dörpke aan det zilvere lint gelaege,
Dao halt ik van, det is miene zaege.
lk heb mien hert aan Bliërick gegaeve,
Dao is 't laeve good te laeve.
Mósse fangs de Majjem loupe gaon,
Bliëf met dien maedje same efkes staon.
Kiëk um dich haer, nao al die moëje minse,
Heej huur ik thoës, det zien mien winse.
zang Bart Janssen
Teks Peter Brans
meziëk Henk Sneijers
Jaor 2008 Plaats 1
Wah wah wah wah wat wat gaon weej doon?
As de groëten optoch is gedaon.
Bliëf heej….., ik zeg óch wies 't Brook,
is dit d'n allerbesten hook.
Op 't tumpke van de Laan en van de Kloësterstraot,
dao rammele de roëte.
Dao zinge weej ós oët de näöd en in de maot,
want Bliërick..blief boëte
Same op 't Raodhoesplein,
same bliëve weej beejein.
Wies ós oëre toëte,
Bliërick...blief boëte!
Gah gah gah gah gank nog neet naor hoës.
Dao is niks want nemes is d'r thoës.
Blief heej…., en zing mei met de res,
wies des se gaar gen stum miër hes.
Duh duh duh dus minse kóm allée.
Plaats genóg d'r kinne d'r nog beej.
’t Is…. heej lang nog neet te klein,
weej kinne wies 't Wieënplein.
Zang: Hans Aerts, Peter Wilders, Willy Billekens
Teks en
Muziëk: Marc Peters
Jaor 2010
Plaats 1
Bliërick ôs Bliërick Det steit baoven-aan.
Dreej daag gaon weej lekker oët.
Drinken eine borrel en weej kösse op de snoët.
Bliërick ôs Bliërick Det steit baoven-aan
Kiek, jao dao kumpe
jao, dao kumpe; jao, dao kumpe
jao dao kumpe kumpe haer......
Kiek noow dao geite
jao, dao geite; jao, dao geite
jao dao geite geite haer......
Vlgs. LP ’79: Jan Cartigny
Zang op LP ‘79: Wiel Vestjens / Hay Crompvoets
Refrein:
Bliërick straolt op dinsdaagaovend
Weej hebbe weer wat niejs bedach
Want beej ózze vastelaovend
Hure lempkes in de nach
Met tig doëzend ampaer
Trekke weej door Bliërick haer
Bliërick straolt nog ein gas oor
Weej laote waal ein traon
As weej truuj verbörre gaon
Toch gaon weej nog “effe” door
Vers 1
Doëzende lempkes die schiëne
In de duusternis
Die kómme en langzaam verdwiëne
Umdet ‘t einen optoch is
Euveral straolende minse
Met lempkes gans versierd
De meiste daovan die kins se
Dus wuurt d’r same doorgevierd
Vers 2
Weej zulle heej neet óntbraeke
Zien van de partie
Dit veult wiej ein werme daeke
En weer ‘s staon weej zie aan zie
Det weej dit meuge belaeve
‘t Duuster wuurd gekleurd
Met lempkes die ós leech gaeve
Zoë wuurt gans Bliërick opgefleurd
Zang: Paul Lenders,
Graat Peeters en Onno Vaessen
Teks en Muziëk: Paul Lenders
en Ruud Bettinger
Jaor 2013 Plaats 4.
Bliërick straolt, daag en nach
Bliërick straolt, met ‘n lach
Dreej daag veur dich en veur mich
Bliërick straolt, van gelök
Bliërick straolt, veur dich
Wat kin d’r oeits moëjer zien
Couplet
Kiëk ens, al die minse en die kleure um dich haer
Det luuët mien hert sneller slaon
Veul ens, det geveul heej, det belaef ik toch zoë gaer
Fijn toch det weej heej noow staon
Huur ens, al die klanke, dae meziëk, det duit dich good
Dan wil se noëits miër nao hoës
Preuf ens , al die wermte , haet allein ós Bliëricks
blood
Bliërick blief altiëd ós thoës
Tössespel
Heej kins se prónke met hiël goje zin
Haes se allein wao det kin
Zang: Mirthe Kuipers
Teks: Frank van den Broek
Muziëk: Hay Geritz
Jaor 2013 Plaats 2.
Refrein:
Bookender bruudjes, lekkere snuutjes.
Bleumpkes um dök nao te kiëke.
Liërse drein kinne, det dich wilt verwinne.
Huurse metein beej de riëke!
Uigskes en muulke, kinke en kuulke.
En auk de res is aaf!
Ut wuurd dich gegaeve, zoëlang se meugs laeve.
Die Bookender bruudjes zien gaaf!
Die gaon dich neet laupe, die kinse neet kaupe.
Want Bookender bruudjes zien braaf!
Ik ging nao d'n Bookend veur spruutjes.
En ander greuntegrei!
Toen zoog ik de Bookender bruudjes.
Ut leefste det noom ik mich mei!
En dink geej: dae zit zônder spruutjes.
Nao, dan vergis geej ôg.
Kiëk good nao die Bookender snuutjes.
Dao vindse d'r miër dan genög!
Ut bleef aevel neet beej die spruutjes.
Die het van hoës oët had.
Ik kreeg regelmaotig beschuutjes.
Met muuskes derop van dae schat.
Zang: Marcel Verdellen.
Teks: Frans Driessen.
Meziëk: Wim Roeffen.
Jaor 1994 |
