Mien ome woord gevraog um prins te waere,
Dao beej zien stamkroeg hadde ze um hiel erg gaer,
En wie mien tant begôs te protestere,
Toen dreijde hae d’r gaar neet lang um haer:
Refrein
As ’t moeiste op dees aerd,
Dich wuurd aangeprissenteerd,
Jao, waat duisse dan, jao, waat duisse dan?
Laote gaon de’s iëwig zund
As ’t dich toch wuurd gegund,
Jao, waat duisse, jao, waat duisse dan?
Wae wet wie ’t morge geit, dus pak ’t noow heej
Want as ’t drek euverweijt, dan is ’t veurbeej,
En dan löp d’r, iërlik waor,
Emus anders mei vandoor,
Jao, waat duisse, jao, waat duisse dan!!
D’n dokter zag, doot röstig aan mit drinke
Dus aan d’n tap heel ik mien mundje netjes dich,
Maar ja, dae kastelein waas eine linke
Dae zag metein, daen iërste is van mich:
Wie alle bruudjes weer door Venlo leepe,
Dach ik: maar dees boerebroélof blief ik braaf
Dao had d’r ein ’t gans op mich begrepe,
En kwaam mit aope erm op mich aaf
Gezônge
door: Peter Jansen en Wim Janssen
Teks en Muziék: Peter
Jansen en Wim Janssen
Jaor 2010
Plaats 3
Waat môt det môt.. zag ôzze jas
De môtte môtte oét de kas
Weej môtte mei.. van heej nao dao
Weej loupe alle jeskes nao
Weej môtte kômme euveral
Ouk op de môtteballebal
Al löp dae jas dao in de gater
Weej biéte dóór weej môtte waal
Weej môtte kriége alles plat
D'n hofbal had ôs gaer gehad
Weej môtte zinge idder oor:
Dit is 't jeske van 't jaor!
Noow zit de môt.. in ôzze jas
Dao is ein muike aangepas
Allein de kraag dae mak zich drök
Det hae nog mot krieg mit zien stök
Zoë zông dae jas.. zich oét de näöd
Toen loog de vooring in de gäöt
Dao woort de môt.. d'r oétgejas
Dan pas dae strakkes weer in de kas
prissentatie: Gé en Rob Deenen Plaats 4-2005
Kom nów vrinden al to gaar
In ozze Jocus zaal
Wao géj och zult vermake
Mit wat rare snake
Hèj is niks as joeks en pret
Wuerd op genne stand gelet
Jao alles zink héj joeksig mei
Dit lollige refrein.
Is ter fees héj in de stad
Jocus is ter béj ha! ha!
Alle netjes in de rie
Kieke dao béj nog hiël blie
Want joeks det deut eeder good
Dit zit in os Venloos blood
Daorum alle groët en klein
Mit gezonge dit refrein.
Vruëger in den alden tied
Kinde me genne haat of nied
Alle laefde brüderlein
Netjes joeksig onder ein
Jocus zal dit weer probeere
Det ge och zult ameseere
Daorum alle groët en klein
Mit gezonge dit refrein
Danse, zinge, is ouk Jocus zien vermaak
Danse, springe mit ein Jocussin
Jocus dao mit zien vaan.
In zien scheepke kump daojaan.
Zeet de vent, wie content.
Hae is gans patent.
Zeet wie um det hudje steit.
En det scheep de golve sleit.
En die paerd, wie allaerdt: )
Die zien ôs vuël waerd! ) bis
Jocus hèj, wiet ge zeet.
Brink maar vreugde, gen verdreet.
Det is waor, op en haor.
Ach daag nao Niejaor.
Laote wèj zoe maar veuraan gaon.
En ôs hèj maar good verstaon!
Gooje mood, det is good )
Veur waat gèj hèj doot! ) bis
Lustig zien, Joekserie.
Mak ôs breurkes, gek en blie.
Mit ôs kap, wie Hans Flap.
Maake wèj die grap!
Sch-oë-oën wie einen raegenbaog.
Wie um hèj nog nemus zoog.
Lache wèj, zinge wèj )
Drinke ouk derbèj. ) bis
Géj jonges en auk maedjes
kom luuster now ens hëj
de vastelaovend is ter weer
det gif oz vuël plezeer
Juupke en zien maedje
Netje en ziene jong
zien allemaol aeve lollig
En slage op de trom.
As 't vastelaovend is
dan komme de maskes aan
dan kump de joeks en 't plezeer
we trekke oz nörges wat van aan
al heb ste gen klamotte
dan blief ste toch neet thoes
we make lol en zien joeksig
En gaon hiel laat nao hoes.
Dan zinge wéj det leedje
Van de Jocus Haan
Zien allemaol aeve lollig
En halde oz maar draan
Tot det 't op zien indje geit
En is de vastelaovend oet
Dan doon wéj de maskes aaf
En gaon weer net nao hoes
En den haan dae kreit zien best
Is al net zoe gek as de rest
Kukeleku, kukeleku
kukeleku ku ku.
Refrein:
Dao kumpe haer, det is toch waan.
Jodel Lei, mit zien lederhose aan.
Uig dao, hae geit wie einen trein,
Mit det gejodel en geklats op vot en bein.
Zeg noow zelf det is toch frapant!
Gans de stad druuëg um noow op de hand.
Want de duis vanzelf mit um mei...
Jodel lekker mei mit Jodel Lei.
Jodelei, jodela, jodelei, jodela...
Jodel lekker mei mit Jodel Lei.
Lei, dae had maar eine wins as kleinen blaag.
En, toen haolde ziene pap 't veur d'n daag.
Ein echte lederhose, maar dae kwaam wies aan zien kin.
Det kan niks gaeve, zag zien pap, dao greujse nog waal in.
Weit geej wao hae det gejodel noow van haet.
Van Agaath de poetsmedam, zoë wie me zaet.
Die veel ônder 't schroebe, smeis op eure derriér.
En Lei hoort det gejodel door de diekste moore haer.
Wäörd: Esmée Warmerdam, Meziék: Quinn Warmerdam.
Zang: Hay Wilders, Quinn Warmerdam, Ron van Haeff;
Jaor: 2002 Plaats 1
Same lekker joetse gaon mit de ganse zwiek.
Veur det alles is gedaon houwe weej van wiek.
Heej is ‘t vandaag te doon stedje van plezeer.
Dreej dag speule weej de kloon wie alle jaore weer.
Refrein:
Joeks huurt beej ‘t laeve idderen daag opnie.
Joeks môt wie ‘t zunke zien straolend werm en blie.
Joeks det is genete einen blieje lach.
Plök d’n daag wies aan ‘t ind gen plezeer is ieuwig zund.
Joeks is wie gezag genete van de lach.
Same lache same zien groët en klein beejein.
Det gelök det is ‘t mient alles op de bein.
Poepeloestig dansend door de vastelaovend haer.
Dich en ik al waat ôs leef doon det aeve gaer.
Riékdôm is ein blie gemood en det sprik veur zich.
Zit dae joeks dich in ‘t blood huurse gans beej mich.
Laot de pupkes danse schat die in dien auge staon
Strakkes hesse ‘t gehad en is ‘t weer gedaon.
Wäörd en Meziëk: May Anröchte /Hay Geritz.
Gezônge: Dorothé Haanen/Marco Vaessen.
Jaor 1999.
Refrein:
Joeks is veur ut laeve.
waat `t zalt is veur den bik.
Joeks det zien de krinte.
In de vastelaoves-mik.
Joeks bringk ôs `t zunke.
Beej `t guf-neet-waat-veur waer.
Joeks guf juus daen tralala.
Zjiemtadada, zjiemtadada tralala.
Jao, daen echte tralala.
Aan de Venlonaer..
Bolwater truuj zag indertiëd.
Beste luuj, ik môt wat kwiët.
Gennen aldewiëverpraot.
Maar gewoën waat gooje raod.
Luuster ens, dit zeg ik ôch.
Zoewat zaet me noëts genôg.
Strui as echte Venlonaer.
De joeks maar um ôch haer, want....
Wäörd en Meziek: Ad Pollus en Jan Jacobs.
Refrein:
Joetse jatse, gekke fratse,
Trek dien luie schoon maar oët.
Haeste jeuk dan môste kratse,
Holder d'n bolder de hut maar oët.
Joetse jatse, gekke fratse,
Kös mich op de snoët .....
Hônger kinste boëte kriege
Aete môste toës ....jao .....
Hônger kinste boëte kriege
Aete môste toës !
Eeder deerke zien plezeerke,
Petje op en keelke aan.
Gaon weej met de bein gesmeerd
Achter d'n hoempa aan.
Heb gen zörreg, dink neet aan morge,
Det is einen anderen daag.
Hald d'n oozel maar verborrege,
Al is 't veur einen daag.
Refrein:
Dit is ein leed van weinig wäörd
La la la la la,la la la la la
En neemus wit wie lang `t deurt
La la la la la, la la la la la
Gewoën ein leed veur groët en klein
La la la la la , la la la la la
Veur jônk en ald veur idderein
La la la la la, la la la la la
Ein hiël gemekkelik leedje
Waat op zichzelf steit
Al hebste ouk nog gen benöl wie of dit leedje geit.
En waat `t ouk maag waere
Det zeen we strakkes waal
As alle minse um ôs haer gaon zinge in de zaal.
Weej zinge `t van boéte
`t klink al lekker flot
D'n daag dae kin wies sloétingstied veur ôs neet miër kepot
En zônder nao te dinke
Det hoof noow gaar neet miër
Zingk idderein oét volle bors `t nog maar eine kiër.
wäörd: Gita Wijnans
Meziék: Frits Tilburgs
Gezônge: Riet Schreurs, Joke Theewen
Wiel Vestjens en Frans Driessen
Jaor 1996
Ik weit nog good wie of 't zoot,
Mien iérste glaeske beer.
Stônd aan d'n tap mit ôzze pap,
D'n ober zoot 't neer.
En pap dae zag: "Nog ef gewach,
Veurdess 't dich guns!
Kiék good nao mich, ik wiés 't dich,
Want drinke is ein kuns!"
Refrein:
Pak mit dien eine hand,
't Glaeske beej de rand,
En kiék dan mit bedraag,
Ens nao dae schoéne kraag.
Dan wuért haldvas gezôch,
En haolse hiél deep lôch,
En preufs veurzichtig,
Det kostbaar vôch !"
't Ging dus good, det goof mich mood,
Ik dach: "Det smak nao miér !"
Dus zag ik: "Pap, 'k-laot zeen wie rap,
Det ik dien lesse liér".
't Beer det waas zoë in 't glaas,
Jao machtig gold van kleur.
Toen zag ik net: "Noow opgelet,
Dan doon ik 't ôch veur !"
Nae, jônk geliérd waas neet verkiérd,
Zoë bliek steeds weer opnie.
Drink mit plezeer mien glaeske beer,
Al jaore op ein rie.
'k-Dink beej ein glaas dök wie 't waas,
D'n alleriérste kiér.
En aan d'n tap dink ik aan pap,
Vergaet zien les neet miér.
Wäörd: Joep Huybregts
Meziék: Guus Timmermans jr
Gezônge: Hay Gerritzen en Hendrik-Jan Peute
Jaor 1990
Josefien zag taege mich
Jông ik bin op tiéd beej dich
Maar nae, ik zeen ‘m neet.
Josefien duit det waal miër
Dit is neet d’n iërste kiër
‘t Is weer ‘t zelfde leed.
Det kump dan heej op neer,
De vraog is altiéd weer:
Refrein:
Kumpste waal, kumpste neet
Kwaam ik det maar aan de weet
Aoh Josefien.
Want de hads mich gezag
In de gats um half ach
Aoh Josefien.
Zônder dich det rök ik neet
Det wil ik neet, det lök mich neet.
Zônder dich wil ik neet zien
Aoh Josefien.
Josefien det veult zich sterk
Want det haet allang gemerk
Det ik neet zoëmaar gaon.
Want ik weit wie ‘t kin zien
As ik bin beej Josefien
Dao bliéf ik gaer veur staon.
Det kump dan heej op neer,
De vraog is altiéd weer:
Maar noow woel ik waal ens zeen
As auk "ik" ens neet verscheen
En "het" stônd dao te staon
Nae dan woort d’r neet gewach
Genne mins dae dao aan dach.
Het waas geliék gegaon
Det kump dan heej op neer,
De vraog is altiéd weer:
gezônge door: Gé Deenen, Wiel Vestjens
wäörd: Frans Boermans
meziék: Wim Roeffen
Jaor: 2000 Plaats 4
|
